26岁丽英入行后好自卑：啲女仔又高眼又大 遭旧爱嫌弃冇晒自信吓到唔敢拍拖丨独家

丽英（邓丽英）今年推出「爱情3部曲」企划，年初的《美男子图鉴》玩收集男神过足瘾，新歌《解咒说明书》就讲情伤。提到情史，26岁的丽英收起笑容，指学生妹时期被旧爱狠飞，原因竟然同衣著有关，此次情伤更令她冇晒自信，唔敢再拍拖。采访：杜杜 摄影：林宾尼 发型:Marco Li化妆:Hulda Tsai 场地:火土烧肉hearth Yakiniku by Atum

丽英预告年底除了推出「爱情3部曲」最终章，还会举行迷你演唱会。

丽英预告年底除了推出「爱情3部曲」最终章，还会举行迷你演唱会。

丽英推出「爱情3部曲」，有感这类题材较令歌迷有共鸣，「3部曲系上年目标，想啲歌有个系列，3首歌写爱情嘅唔同状态，好似第1首《美男子图鉴》讲对爱情憧憬，喺花多眼乱嘅世界拣锺意嘅人，《解咒》就讲失恋、情伤嘅状态，至于第3首就唔讲住，想保持神秘感。」之后她忍唔住「剧透」压轴作品计划年底推出，「歌曲系列用书做主题，好似图鉴同说明书，第三首都系同书有关。」

《美男子图鉴》丽英继续以痴女开心一面示人。

年初推出《美男子图鉴》，丽英开心搵来Ian声演。

曾因失恋不断自责

《解咒》跟丽英一贯的歌曲风格相反，是她刻意安排，「以往我都系用开心乐观一面示人，其实都有啲深刻回忆，想同大家分享。《解咒说明书》系我分手经历，好sad。」该段感情伤透她的心，事关分手原因是被男方嫌弃，「对方嫌我着得太多T恤牛仔裤，呢个竟然系其中一个分手理由，当时我震惊加非常伤心。」她做最真实的自己竟被指摘，觉得好无奈，「着T恤牛仔裤系我最舒服嘅状态，我识佢之前成日咁着，但无奈冇咗爱喺裹面，先会有咁嘅变化。」

日本拍《解咒》MV，3日要赶12个景好辛苦，但因为景靓，丽英觉得好值得。

MV其中一个靓景在宇都宫隧道拍摄，仲要夹埋桥上火车经过。

这段「嫌弃之恋」在丽英读书时发生，虽然只维持1年多，但却刻骨铭心，「读紧书仲系好green，拍过几次拖就唔讲嘞，但肯定系最深刻一次。」惨被狠飞后，她曾自困失恋黑房又不断自责，更因吓亲唔敢再拍拖，「一直处于冇自信阶段，成日问自己系咪好差，对价值观亦有所怀疑，我系咪真系做错咗呢？！好自卑。」时间是最好的疗伤药，「只要一个人唔锺意你，你着咩都会唔锺意你，讲到尾佢都系唔再锺意我啫！」回复清醒状态的丽英，慢慢想通才得以自愈，「受咗情伤都唔应该定义自己价值，会学识点样去爱自己。」她想以自身经历，安慰受过情伤的人，「好多人喺爱情上俾人嫌弃过，但通常嫌弃对方唔够上进或者好穷，外表好多问题，所以当时俾人嫌弃真系唔好受，以往要搵个锺意你最真实嘅人，而唔系要迎合佢。」

丽英现在拣男友不会再失去自我，相处舒服最重要。

丽英现在拣男友不会再失去自我，相处舒服最重要。

拍MV勾起情伤回忆

因为「嫌弃之恋」受到沉重打击，丽英学懂更爱自己，择偶条件亦唔同晒，「𠵱家会focus自己多啲，同对方相处，佢接唔接受到我系一个咁样嘅人？！亦会用最真实姿态去面对对方，相处得舒服，可以接受到我着T恤牛仔裤先系最好。」她坦认人行后仍然缺乏自信，到加入网台「小薯茄」，被粉丝赞赏才有改善，「自己都会嫌弃自己，点解行内嘅女仔，对眼又大又生得高，自己点做到？！但唔系罗！自己价值自己定，真诚系好大本领，将自己最真一面Show出嚟，自然会吸引到人。我入咗《小薯茄》，才华俾人欣赏到，所以就慢慢建立返自信。」

日本靓仔拳击教练客串拍MV，对方更follow丽英ig，「但佢冇DM我。」

丽英拍MV嘅喊戏一take搞掂，因跟情伤经历重叠。

去年为开个人骚学打拳的丽英，拍MV大派用场。

 《解咒》MV在日本和香港取景，有两地型男任男主角，应该好开心，但丽英拍亲感情戏都会勾起惨痛情伤回忆。「日本拍MV内容讲攞洗完嘅衫返屋企，但个袋穿咗搞到一地系衫好狼狈，谂起以往跟男友一齐做，𠵱家只得自己一人而爆喊。」丽英现实失恋时都试过行一段好长嘅路返屋企，「等自己冷静啲，唔想畀屋企人睇到我喊，有呢个感受，好快一take就搞掂，通常cut机会好快好返，但今次cut咗机仲喊紧。」而在港拍的甜蜜拍拖戏，她一样不好受，「拍嗰时好难好开心，谂返起太多回忆，又系有啲重叠感觉，拍拖有几开心，分手就会有几唔开心。」

演香港男友的模特儿仲佳佳（Pete），丽英大赞对方畀到佢拍拖感觉。

丽英开骚见到家人在台下落泪好感触。