星8卦丨「高大妈」阻住阿仔拍拖出奇招 冷饭菜汁招呼「花旦」终分手

讲到呢个世界嘅恶顶奶奶，真系数十日都讲唔完 ！话说「花旦」同「高大」情投意合，两个人都相处得好开心，「高大」亦唔理咁多，好快就带「花旦」返屋企 。「花旦」份人系比较倔，唔识氹老人家。偏偏「高大妈」份人好玻璃心，又觉得自己个仔最好，任何一个女人埋身，都系同自己抢仔，如果畀个女人得逞，就会冇咗个仔。

相关阅读：星8卦丨「忠心」嫁人被逼增肥扮丑 「高大」大男人真身暴现新婚变分居

「花旦」 因为唔多睇得起呢种阿妈，心底唔服气，总之「高大」不在场，就会同「高大妈」斗黑面，斗唔睬对方 。好似上去屋企食饭，「花旦」明知扮嘢都要入厨房帮下手，「高大妈」永远唔畀佢入去，好似要话畀「高大」知佢条女乜都唔识 。唔畀「花旦」入厨房原来系要分开啲餸，「高大妈」永远叫「花旦」坐埋一面，然后就将一啲隔夜餸拎出嚟，每次开饭枱面会有两个区域。新鲜煮嘅就放系自己同阿仔面前，连工人姐姐都可以食新鲜饭餸。

「花旦」 一睇就知系嗰啲系隔夜餸，虽然唔可以话系冷饭菜汁，但啲饭成日硬到「花旦」一啖都唔食，最难顶系都唔知放咗几耐，有次仲系未全部热透，最惨系「高大」又要做孝顺仔，成日要返屋企逼佢食隔夜饭。「花旦」终于提出分手，觉得一餐饭已经证明个男人一啲都唔爱自己！

 

其他文章：

星8卦丨「高大」媾错大嫂 大佬开辣条件惩罚 急娶「忠心」自救害人害己

星8卦丨「骨精」乱投资趁低吸纳蚀大本累「长发」狂接job退唔到休

星8卦丨「新贵」债主追到上公司 高层投降安排北上避麻烦

星8卦丨 「漏口」天生奸妃格专撬墙脚 遇「大婆」出招败走一身蚁无人同情

星8卦丨「大红」自食其力识富二代上位 被踢爆童年曾做手术雌雄莫辨