56岁周慧敏突然宣布不再举行大型个唱专注照顾身体及家庭：我觉得时候都差不多啦

2024-09-01 17:51

56岁「玉女掌门人」周慧敏(阿V)展开《地老天荒爱一场世界巡回演唱会》，巡演首站昨晚于澳门伦敦人揭幕，但始料不到她竟趁巡演跟世界各地跟歌迷告别，宣布今次巡演后，决定不再做大型巡回演唱会！令不少歌迷不舍大哭。

阿V无预警下宣布唔再开大型个唱。

周慧敏展开《地老天荒爱一场世界巡回演唱会》澳门站。

台上载歌载舞。

阿V珍惜跟歌迷30年来嘅缘份。

巡演首站状态大勇。

当晚阿V状态大勇一共换上5套服装登场，令观众惊叹她系「不老女神」。演唱会以《自作多情》及一连串快歌作揭幕，她又唱又跳带出气氛。阿V开腔跟歌迷打招呼说，「我对今次巡演真系充满期待，内心喜悦要大爆发，我好Ready 啦，你哋 Warm Up 未？啱啱啲快歌，好似带返我返90年代，谂返我第一次个唱《94美的化身演唱会》，个阵自己跳舞似机械人，有边个睇过？」观众欢呼四起，她续说：「唔经唔觉你哋就跟咗我30年！我见有80后，90后喎，仲有2000后小朋友，欢迎晒你哋一家人嚟睇我个骚，呢30年我人生充满意想唔到嘅事，真系冇谂过自己仲企喺舞台度。快歌之后，呢个骚第一首慢歌《台下女主角》，我要送畀我人生第一位支持者，我天上嘅妈妈！」

演唱会以《自作多情》及一连串快歌作揭幕。

阿V向观众情深对话。

阿V对今次巡演真系充满期待。

分享人生观转捩点

是次演唱会，阿V由成长开始跟大家分享她的人生感悟，每段讲话都让歌迷很感动，第三部份，她唱完一曲《肋骨》后分享说: 「2009年，我成为咗人妻，同年因为信仰，我多咗个天父爸爸。呢年系我人生转捩点，我将自己一套普世价值嘅生存之道放低，一步步拆毁自己嘅强悍，将个『我』字缩细，发觉好多嘢都唔同咗，特别我哋做艺人，好多时人哋将我哋放到好大，我觉得唔系一件好事，放低『我』字反而睇到自己好多不足，执著放低，诚实面对自己，我学识接受自己有好糟糕嘅时侯，有好软弱时侯，顺服于我所有景遇之中，我开始发现，一直系我头上面嗰个光环，冇能力再困绑我啦！我喺里面被释放出嚟，得到真正嘅自由，所以我唔系女神，不过系一粒好细嘅盐，有时会发下光嘅阿V，好吗？」观众即以雷动掌声回应。

2009年因为信仰，阿V多咗个天父爸爸。

因为信仰将自己一套普世价值嘅生存之道放低。

她放下艺人光环。

觉得自己只系个普通人。

生命中有好多天使

Vivian又反问歌迷，「你哋生命中有冇遇过天使？」歌迷大叫，「有呀，你呀！」她笑道：「我焗你哋讲㗎！哈哈，我生命中有好多天使，刚刚唱完嘅《如果你知我苦哀》系哥哥（Leslie）写畀我，佢都系我一个肩上天使，扶持过我嘅前辈，我永远感激佢。你哋（歌迷）都系我天使，无论高低，多谢你哋都守护我。」然后她便请出演唱会特别嘉宾黄剑文，「以下呢一位朋友，我哋都系互相守护，系同行者，欢迎黄剑文加入我演出。」两人随即合唱了《流言》及《情未了》、《知己》三首歌。

条裙好靓呀。

周慧敏否认系女神。

阿V为爱她的人落力演出。

阿V多谢FANS多年来嘅守护。

阿V话生命中有好多天使。

演唱会特别嘉宾黄剑文。

黄剑文系阿V守护天使之一。

到演唱会最后一部分时，Vivian除了跳唱不少经典歌曲，更第一次于台上演奏《贝多芬月光奏呜曲：第一乐章》，她说：「其实我喺2022年圣诞节，录咗第一首钢琴演奏曲，我好开心，今晚我想弹《贝多芬月光奏呜曲：第一乐章》畀大家听，我弹琴唔叻，如果冇自己舞台，好难有机会公开演奏，所以我唔理啦，我要好好弹一次！因为我相信每一件事用心用爱去做，就有感动人嘅能力。」观众即掌声不断，并大叫「好感动呀」，「多谢你呀」，「爱你」等。

搵最纯粹嘅心在巡演表演。

她认为人生去到唔同阶段，追求需要都系会有好大改变。

未来她会专注家人猫仔。

但强调唔会唔工作，只系想有多啲时间调节自己。

专注身体家庭猫仔

Vivian在呜谢环节，杀歌迷一个措手不及，令现场不少人落泪，反而台上的她就强忍泪水，「其实今次巡演同自己讲，搵最纯粹心表演，为爱我嘅人唱歌，人生去到唔同阶段，追求需要都系会有好大改变。今次呢个巡演，的确系每一场都系倒数时间。今次应该系我最后一次个人大型演唱会啦！」歌迷闻言忍不住落泪，有不少人大叫：「唔好呀！唔得呀！」她续说：「因为我觉得时侯差唔多啦，要专注自己照顾自己身体，照顾我家庭，猫仔都唔细啦‥‥‥我想多啲时间陪猫仔，同先生希望有更多共处时间，你哋应该理解系咪？」歌迷继续大叫：「唔可以！」她安慰道：「我系唔会唔工作。只系想有多啲时间调节自己。时间好快，错过咗就错过咗啦，好似今晚咁，好快就过，已经演唱会尾声啦，要唱最后一首歌，我好想听到大家，大大声一齐唱《最爱》。」演唱会结束，观众不停叫「安歌」，Vivian再出场，连续跟观众一起大合唱了近6首歌，最后呼应演唱会名字，以《天荒爱未老》一曲真正作结。