贾思乐首公开锺保罗死前电话讯息 下月70岁心痛谈故友难忘罗慧娟患癌饭局丨独家

入行半个世纪的贾思乐（Louie）下月「登七」，他坦言人生最痛是见到好友余绮霞、锺保罗(Paul)、罗慧娟、刘敏仪及关朝聪等逐个离世，尤以阿Paul的死前讯息，35年后讲起，Louie仍然讲到眼湿湿，直至话题转到曾捱义气，主动帮关菊英买M巾惨被大闹先识笑返。采访：方骞平 摄影：朱伟彦 场地：City Dancer Grill & Live Music Bar

Louie好挂住5位故友，讲到眼湿湿。

Louie好挂住故友。

每次提及故友都感慨万千。

Louie话𠵱家生活得好好。

下月70岁嘅Louie皮光肉滑。

Louie要Keep住心境开朗。

70年代经典剧集《少年十五二十时》；80年代《欢乐今宵》(EYT)嘅《虾仔爹哋》带畀贾思乐辉煌嘅演艺成绩。Louie将于下月9日假文化中心举行《HAPPY TOGETHER 50年 in Concert》，贺入行50周年兼「登七」大寿。他形容今次属稳阵投资，会主动揼赞助商「科水」，将部份收益捐给好友廖安丽的「身前行动」。

下月9日假文化中心举行《HAPPY TOGETHER 50年 in Concert》，贺入行50周年兼「登七」大寿。

大班圈中老友现身个唱记招力撑。

当年Louie拍《少年十五二十时》时好靓仔。

2011年贾思乐卖楼自资舞台剧《虾仔爹哋》，张学友更担任表演嘉宾。

2019年Louie曾跟6美女开个唱。

2017年曾跟黎瑞恩、王馨平、罗敏庄、李乐诗等开骚。

1999年陈宝珠﹑李丽蕊﹑贾思乐及叶童在瑞士街头留影。

Louie当年跟Do姐、林嘉华好老友。

当年和黄韵诗及郑裕玲常联络。

Louie与张国荣和露云娜拍电影《冲撃21》。

贾思乐、张国荣与毛舜筠曾于港台电视剧《狮子山下》合作。

和露云娜系金童玉女。

Louie同陈玉莲亦系情人知己。

同已故罗文曾经好老友。

1987年Louie曾夺国际音乐赛事大奖。

1984年金风筝曲创作赛贾思乐及聂安达合摄。

分享唔识老保养心得

下月7字头的Louie依然皮光肉滑，全靠多年来获皮肤科医生Fans赞助疗程，另外，心境开朗及思想正面亦是冻龄的不二法门：「坦白讲，做人点会冇唔开心？除咗30年前妈妈离世曾试过抑郁，亦避唔开朋友离世嘅伤痛。」Louie在圈中第一次接触生离死别，就是患鼻咽癌的「鬼婆」刘敏仪；之后到死于爱滋病的「鬼仔」关朝聪：「我跟狄宝娜摩亚（Deborah）及『鬼仔』成日蒲兰桂坊，『鬼仔』病发后唔想见人，我最后见佢时已面目全非，留晒胡须，骨瘦如柴完全唔认得佢，真系睇见都心噏，佢临终前两年去咗加拿大医病。」

当年跟狄宝娜摩亚及「鬼仔」关朝聪常蒲兰桂坊。

关朝聪曾跟黎明及黎美娴拍剧集《到到唐山》。

跟「鬼婆」刘敏仪系红颜知己。

「鬼婆」刘敏仪死于鼻咽癌。

娟妹冇「数」过星爷

至于最心痛系余绮霞及罗慧娟遭逢不幸：「当年我同陈玉莲及余绮霞系『沙田第一城铁3角』，霞女亦系我家中常客，留宿打地铺倾心事。」1988年霞女经历《欢乐今宵》澳洲严重车祸，影响到面容令佢好唔开心，但仍咬紧牙关打仗，点知两年后再不幸患上鼻咽癌：「确诊时佢晴天霹雳，同我呻话『我咁好人，冇做过坏事，唔知点解个天咁对我？』嗰刻我无言，只能答佢『可能个天锺意你，点都想见到你，但唔紧要，我哋迟啲会见，你上去玩住先…』我陪佢过36岁生日，3日后佢就离开咗。」至于「女版Louie」罗慧娟跟他性格一模一样，两人无所不谈，但娟妹从冇「数」过前度周星驰。Louie说：「当年佢介绍老公我识，我系佢哋嘅证婚人。」

当年霞女系Louie家中常客。

10977年港姐冠军朱玲玲(中)、亚军吕瑞容(左)、季军余绮霞(右)都系靓女。

1984年贾思乐邀请9个美女为TVB拍特辑，中包括廖安丽与余绮霞(左排第四位)。

Louie永远记得嗰餐吓死人嘅饭局：「娟妹食食吓饭，语带轻松咁话『我有胰脏癌！』当时同枱个个吓到呆咗，我即放低筷子，忍唔住流泪，佢反而安慰我哋『喊乜呀？夹餸食啦！当时我又点食得落啫？』」后期Louie去医院探娟妹，见到佢插满喉讲唔到嘢，好心痛。就算娟妹走咗12年，佢老公刘志敏依然会约Louie食饭。Louie好感慨，「刘志敏人生受好多打击，因为佢第一任妻子亦是死于cancer！」 

罗慧娟有「女版Louie」称号。

贾思乐、罗慧娟都系乐天派。

2008年下嫁金融界富豪刘志敏的罗慧娟曾幸福过。

罗慧娟人品好好，冇「数」过前度星爷。

罗慧娟系抗癌战士，笑住打仗。

 

过年帮菊姐买M巾捱闹

另外，Louie因为《欢乐今宵》而认识锺保罗，当时他跟余绮霞是一对，故3人经常聚头：「当日我离开TVB去大马发展，佢有提出租我间屋，但最后我婉拒咗，不过，我走前，佢曾揸车嚟我屋企楼下送我指南针礼物，仲同我讲『希望佢能带你行啱嘅路！』当时我感动到系咁流眼泪，直至有一日听返电话留言，阿Paul用沉重声音留口讯，话『明天BBQ唔嚟喇，你哋(EYT同事)玩得开心啲，再见！』最后嗰句真系听到毛管戙，原来系死前告白。」Louie指阿Paul系最佳司仪，沉迷赌博最后走上不归好可惜：「佢冇欠过我钱，问我借100蚊都有借有还，最奇妙系每张20蚊都摺成细细张，似系赌本。」Louie仍然好挂住一班故友：「我想同佢哋讲『虽然冇佢哋喺我身边，但我ok嘅，可以好开心咁活落去。』」Louie重提爆笑往事，称当年喺台南拍《EYT》，主动捱义气帮菊姐买M巾，竟被同事大闹：「冇谂过工作人员话新年流流大吉利是，其实我冇乜所谓，最后自己一个人去买，用身体语言搞掂，当然菊姐有畀返钱我，自此我冇再帮人买过M巾喇。」

锺保罗轻生前曾送指南针给Louie作礼物。

Louie和关菊英曾合作拍TVB厂过年特辑。

Louie曾帮关菊英买M巾。