Baby face自信港男专访！30岁历三段情与前度「有技巧」分手   称爆红后惹狂蜂浪蝶：唔会随便应承

【呃钱/baby face/梁敏巧】早前接受《呃钱》访问讲述疑遭婚介公司诈骗两万多元的自信港男「baby face」黄生，因在节目中道出「我有baby face，点会冇market？」名言后爆红，其后他再于社交平台公开表示，会在30日内将《东张西望》女神梁敏巧追到手，令他即时人气急升。baby face接受《星岛头条》访问，讲述他对忽然「爆红」的看法及过去的恋爱经验，同时亦分享他的「媾女」经验。

样貌被批评   baby face：你伤害紧患唐氏综合症嘅人

baby face是过去一星期的网上热话，但不少网民都以「看笑话」的方式嘲讽他的外貌及言论。翻查他的个人社交帐号，自从《呃钱》的受访片段播出后，他经常分享新片，其中一段片段更以「裸上身」的姿态现身。Baby face明言对于负评留言不想平反：「因为好多人都批评我嘅外貌，例如话『你受过辐射啊』、『你系咪唐氏综合症啊』之类，呢啲说话系伤害唔到我，你系伤害紧真系有唐氏综合症嘅病人，同埋真系因为辐射问题而搞到个样有影响嘅人，你系攻击唔到我㗎！」

baby face受访时表示，金城武是他心目中的男神。

baby face坦言觉得自己最大优势是有自信。

baby face因早前现身TVB节目《呃钱》，道出「我有baby face，点会冇market？」金句而走红。

被网民封为「baby face」的黄生不时在社交平台分享个人生活照。

baby face坦言觉得自己是「靓仔」。

baby face近日爆红成为网民热话。

baby face称，自爆红后「去到边都有人识我」。

baby face经常上载影片分享「媾女」方法。

25岁起自觉拥baby face

Baby face坦言网民留言毫无杀伤力，更真心认为自己拥有Baby face，「我大概25岁开始觉得自己有baby face，因为我嗰阵睇落唔似有25岁，我就开始觉得自己真系有baby face。」除了认为自己拥有baby face，他更直言：「我觉得我自己好靓仔，唔系真心觉得自己靓仔嘅话，点样喺节目讲出呢啲说话呢？」被问到他眼中认为「靓仔」的典范，他一脸认真的说：「我认为金城武系英俊，我系觉得自己还可以啦，虽然我唔系金城武，但都有佢外貌嘅优点。」更表示自己在18至19岁时身形瘦削，「我觉得自己真系好英俊。」

Baby face是否「靓仔」当然见人见智，但他认为自己最大的优势并非拥有他认为的baby face，而是一份非凡人可拥有的自信和乐观。言谈间的确能够感受到他的自信，对于自己在网上爆红，他表示：「其实依家系好多人八卦我啲嘢，有啲人会DＭ我话『喂我教你隔空媾梁敏巧啦』，都有女网友DM我，有啲系话想出嚟见面食饭，但我冇应承罗。」

相关阅读：「Baby Face」豪言30日内追到手？《东张》女神梁敏巧亲回：当灵异嘢咁睇

baby face自认人红选择多

但Baby face似乎认为人「红」是非多，直言现阶段不适宜乱搞「绯闻」。他说：「讲真我依家去到边都有人识我，喺呢个情况下，你随便应承人去约会，又可能对个女仔有啲『那个』，系绯闻嚟喎！系咪因为你有好多选择，就随便去招呢啲狂蜂浪蝶呢？我自己有个标准喺度，要自律罗。」

言谈间，或者Baby face会令人觉得是个大情圣甚或「大把女」，但事实上，他现年30岁，过去只有3次恋爱经验。Baby face指自己的初恋发生在中学时期，当时流行在网上论坛交友，其间他与一位女网友相当投契，直言因为做了一事令对方感动而愿意约见面。「就系每朝打俾佢叫佢起身，佢觉得呢个人信得过，咪出嚟见面罗，之后开始拍拖，去到大学嗰阵，大家个距离远咗，之后自自然然散咗。」他形容这位初恋女友属眼大大的可爱型女生。

而Baby face的第二段恋情却与初恋的时间相隔甚远，一转眼，第二段恋爱已在进入职场后开始。「追呢个（女朋友）好简单，就系展露能够帮助佢嘅特质，系喺书铺认识佢嘅，见有机会咪问佢攞contact罗。」

baby face三段恋情分手收场

不过，他形容第二任女友个性悲观，认为不适合长期发展，「我同佢喺某种意义上系为拍拖而拍拖，对方有时谂嘢谂得悲观得济，可能要花好多时间安慰佢，去改变佢悲观嘅心态，可能系我觉得有啲攰，一年之内就分咗手。」他续说：「觉得长痛不如短痛啦，分手嗰阵我系有铺排嘅，即系少咗搵佢，暗示佢会唔会乐观少少啊之类，之后大家就会慢慢感觉好似有啲唔夹咁罗。」

至于第三段恋情，Baby face则表示是因为自己工作繁忙而分手，「我自己都同佢讲，我依家想搏一搏（发展）事业。」自从第三段恋情告吹后，现时已单身约2至3年。

相关阅读：TVB节目《呃钱》自信男穿「战衣」街头直播 「Baby face」有超自信表现已变「何太2.0」？

baby face：「媾女」好简单

虽然Baby face单身多时，但对「媾女」这个话题似乎相当有「研究」。「追女仔嘅招数好简单咋喎！如果见到心仪对象，或者喺街见到嘅 咪主动大胆去问佢，例如食唔食饭？或者问佢可唔可以加个contact或Ig啊等，但呢几样嘢，要比较有自信先做到。」但被问到成功率有多高时，他即表示：「我都试过问几百次咁，有一次成功，视乎你想挑战几大嘅难道啦，我试过搵啲超级索嘅。」但对于那一次的成功，他则说：「我有同对方了解过一段时间，后尾我了解过一段时间，觉得好似唔系好夹。」

Baby face表示，他现时的目标是「追女仔」，自言是香港男人中属优秀一群的他，坦言自己并非只喜欢靓女，「我真正嘅意愿系个女仔顺眼、三观符合。」谈到他认为自己作为男性值多少分时，他则说：「10分的话，我畀自己7至8分罗，我始终觉得，做人开心系会好高分，同埋起码我遇到困难系积极面对，系一个好勇敢嘅人，亦系一个好man、好型嘅行为，我只能够咁样形容罗。」