80年代古装美人为两女哑忍失自我 决与前夫离婚净身出户：为决定付出代价
2024-11-04 09:00 
现年61岁、1985年港姐冠军谢宁在1991年与岑建勋结婚并育有岑宁童及岑宁乐两女，一家生活看似很愉快，想不到在2005年结束14年婚姻。日前谢宁接受访问，罕谈当年与岑建勋的离婚经过：「喺40岁开始，我就想离开呢个屋企。」
相关阅读：80年代港姐冠军重现TVB古装美人风采 前夫有多段婚姻 女儿曾惹企跳误会
谢宁罕谈与岑建勋离婚经过：
谢宁在2008年创办她的曲奇王国，成功开拓至内地、台湾及澳门市场，早前无惧逆市投资过百万在旺角开分店。但原来谢宁最近有新计划，决定进军网络平台，但今次并非与曲奇有关，而是开设一条新频道，分享女人的故事。日前谢宁接受资深传媒人汪曼玲的YouTube Channel访问，她说：「有一日同三个女朋友倾偈，反正我哋年纪大咗，又喺半退休状态，所以不如试吓呢样嘢，不过唔系争饭，只不过系以前有好多女人杂志，但系而家已经冇晒，所以咪将呢个IDEA摆上网上平台，等大家可以同我哋分享。」
谢宁罕谈与岑建勋一段婚姻
谢宁曾经历过婚姻失败，当年在TVB发展不俗，不过在1991年放弃事业，与岑建勋并淡出幕前，专心照顾岑宁童及岑宁乐两女，不过到了2005年离婚。谢宁在2010年与拍拖多年的王德伟结婚，成为幸福人妻。在访问上，谢宁都有谈到当年与岑建勋的一段婚姻，她说：「我都几十岁，好多后生都有问我以前？离咗婚之后点？点解可以做到宜家咁？呢啲经历可以好似讲故事咁讲，但原来呢啲只系冰山一角，大把人系咁。我发觉一样嘢，有好多女人等啲仔女大先至讲离婚，原来唔系年纪大就可以白头到老，反而系因为仔女都出身，就开始谂自己，想自己开心啲，要离开呢个屋企，唔要呢个男人，独立过生活。」
谢宁坦承当年是她主动提出离婚
谢宁坦承当年是她主动提出离婚：「其实喺40岁之前，我段婚姻已经唔系咁愉快，当时系为咗小朋友而去忍受，唔好令佢哋冇咗个家庭，所以咪尽量包容、去忍见到啲女咁细个，你又点忍心离开佢哋？点忍心佢哋冇咗父母，就算跟咗我都好，我咪忍咗佢就算，起码同佢哋嘅关系好CLOSE，可以喺佢哋身上搵返啲安慰，叫做平衡返。但系过咗40岁之后，小朋友开始大，出咗去读书，我咪开始谂系咪应该为自己着想？我都唔开心咗咁多年，系咪应该令自己开心啲？过番啲自己想过嘅日子？我就开始谂呢件事，想离开呢个屋企。」
岑建勋3个女俱入行？
谢宁为离婚一事感可惜
谢宁表示曾经与岑建勋讨论过这问题，她说：「佢当我系讲笑，觉得我走唔出佢手指罅，都系扭吓计，因为我从来都冇讲过离婚嘅事，突然间讲呢样嘢，佢系愕然，嗰阵啲女出咗去读书，但都会成日返嚟，佢话好呀，唔紧要，咪谂下，结果一拖就拖咗2年。嗰阵佢成日唔喺香港四围去公干，所以屋企好多时只有我，啲女又成日返嚟，嗰阵冇咁大压力逼住我要即走，大家都系维持喺呢个家。」直到有一日谢宁希望结识男友，所以决定离婚，要完全离开呢个家：「我唔觉得我系一世都唔会再结婚，嗰阵我40岁，系一枝花，过咗几年唔知会唔会识个新男友，所以不如清清楚楚公开。如果唔公开，人哋有一日见到我拍拖，以为我有婚外情，对我影响咪仲大？况且我都唔系咁嘅人，系因为咁嘅原因，大家有协议咪公开。身边朋友都好愕然，我哋结咗婚15年，以为我哋好好，冇谂过原来系咁样，我自己都觉得可惜，15年婚姻就咁冇咗，我都唔知点讲。」
离婚后谢宁担心经济有问题
离婚后谢宁担心经济有问题：「嗰阵叫做净身出户，乜嘢都冇拎走，因为系我提出，所以要为自己嘅决定付出代价。我自己系非常担心，冇嘢做，亦都唔知自己可以做乜。虽然因为仔女同我住，我系有基本嘅生活费，岑建勋系有照顾我哋，唔系冇负责任，只不过我喺心态上唔想拎佢一毫子，我觉得如果要离婚，不如爽快啲走，唔好拖拖拉拉。跟住谂谂下不如教煮餸，试吓呢啲，起码叫行出咗第一步。岑建勋对我好好，佢冇畀过气我受，只不过系夫妻缘份冇咗，朋友情同亲人关系仲存在，我哋咁多年婚姻，似亲人多过夫妻。」
岑建勋曾有过三段婚姻，他在70、80年代曾跟区艳璋、传媒人刘天兰有过婚姻关系，并跟刘天兰育有一女岑宁儿，岑宁儿现时为歌手，曾到台湾发展爆红。至于与谢宁所生的大女岑宁童为导演及演员，之前在ViuTV剧集《理想国》有份执导，同时在单元《春日里的温妮莎》中饰演大学生兼小说作者的文青女神，外貌似足谢宁，而其妹岑宁乐亦从事电影幕后工作。岑宁童在2020年曾于油麻地觉士道1号德成台高处持刀危站，被指怀疑企跳，经消防破门入屋后送到医院治理，其后岑建勋与谢宁均指女儿只是身体不适，岑宁童接受传媒访问时都否认企跳。即使他跟刘天兰和谢宁离异，与家人依然保持很好关系，至今仍不时聚会。
其他文章：
谢宁曲奇品牌越做越大开够10间分店 旺区抢铺生意额回复高峰期7成
最新回应