港女生日派钱 晨早落楼揿$X万畀父母 网民大赞好孝顺｜Juicy叮
2024-11-10 17:48 
一名港女在生日做了一件人人称赞的大事，但这件事却又似乎不是人人有做。好人好事一出，网上即时充满了和谐温馨气氛。
生日收利是可听得多，派利是的却较少，特别是在晚辈身上。楼主早前在社交平台Threads发帖，指「今日我生日，一起身落楼揿咗$10000畀爸妈。我话生日派钱，妈咪仲问边个畀钱你？......生日愿望系屋企人健健康康，畀我继续做宝贝女。PS每个月都有畀家用㗎，生日快乐」。
帖文一出，网民多少感到惊讶，有人直接查问「点解生日要畀钱父母？第一次听」，另有人指「$1万家用现在不是作为子女的基本吗？」。
港女生日派钱逐张睇 ＋ 网民激赞↓↓↓↓
网民：都话生女好
网民定神后，连随激赞好这件孝顺大好事，指「都话生女好」、「霸气」、「三观正 」、「好乖女」。加以表扬的网民接著排队而来——
•无论你畀几多，你父母都好开心㗎
•自己生日派钱而唔系收利是，边够你玩
•孝女，不过我觉得冇问父母攞钱已经好好
•你有屋企心，有爸爸妈妈心，做父母个心真系会好开心
•真心你好乖，呢个世代，好多唔攞返屋企转头，都偷笑
港女生日派钱逐张睇 ＋ 网民激赞↓↓↓↓
•欣赏你，唔好计几多钱，而家有几多人会喺自己生日畀钱父母
•向你学习，好多嘢都系双向，父母对你好你先会谂到呢样嘢
•你做得对，感恩是你的生日，就是你妈妈痛苦的日子，乖女
•欣赏你。我都系人哋妈妈，我都唔expected（预计）我个仔将来会畀钱我使
•都要父母教得好，父母教唔好，唔会有咁样嘅女。所以「最大嘅功劳」都要分一份好大嘅畀父母
•我喺我妈咪生日的时候都畀咗1万蚊人仔，佢老人家话自己留返啦！我话每年生日我答应您畀1万蚊人仔您老人家。我有钱都不会忘记父母的。我唔想到父母不在的时候先孝顺。
楼主：父母开心＝我开心
楼主对网民作出的回应也相当得体且暖心，——「一点心意」、「因为爸妈好锡我」、「父母开心＝我开心」、「最紧要爸妈健康开心」、「父母锡我，绝对唔止值咁少」、「我成为佢哋女儿都系我福气」、「我都系咁谂呀，唔好畀自己后悔」、「（我生日）是妈妈受难日」。
派钱相关新闻：
港金腰带拳王旺角派钱打人 5人捱窝心拳仅获$XXX 有人中拳不适 大律师：或涉刑事
油麻地惊现离奇「派钱党」 逐张20蚊派 网民揭一重点极可疑
派挥春党闯西环街市索利是 档主使绝招击退 网民教路如何软对抗......
财神皇后山豪派「金」锁匙扣？ 网民眼花：差啲认错北角乞食财神
7岁仔冀私藏利是钱 愿望吓窒父母 网民立场壁垒分明：畀定唔畀？
最新回应