毅行者丨伍富桥夥吴业坤参加100公里赛事 获爱妻全面照顾
2024-11-16 22:30 
乐施会毅行者昨日（15日）在西贡北潭涌开跑，主题为「毅行40『坚』并肩」，有超过1,000队跑手参加，伍富桥（Alvin）和吴业坤（坤哥）组队的「Peace of Cake」昨早起步，是二人连续第二年结伴参加100公里赛事，同时是大会的「星级毅行者」之一，二人最终以32:53（近33小时）完成毅行者。
伍富桥与吴业坤昨日提早约两小时到场，伍富桥透露其中一位队友临阵「甩底」，赛事前一日才临时拉夫，邀请另一位有经验的朋友顶上：「可能我人缘都唔系真系太差，真系寻日先临时拉夫，confirm到另一位队员加入我哋。」伍富桥续指新队友经验十足，是如虎添翼。伍富桥说：「其实我同佢曾经都玩过一次100km逆走，佢嗰阵时都有陪我哋行，所以我大约都知道佢OK，我都系担心我哋行得太慢，影响到佢嘅状态，如果队友跑得太慢，对跑得快嘅人嚟讲都唔系好，即系佢嘅体力会drop得快过正常嘅pacing。」
相关阅读：伍富桥自认专一绝无偷食 吴业坤减磅比赛讲明不可打脸 梁钊峰为悭路程错失与发哥集邮
伍富桥吴业坤完成毅行者：
吴业坤提到比赛前夕打风又落雨，本身都有点担忧：「有啲担忧，自己都未试过（落雨跑山赛），希望都可以顺利、无损地完成，因为嚟紧都有啲骚，同埋自己啲歌啱啱出咗，希望可以唔好影响到人，或者唔好影响到自己嘅情况下完成。」吴业坤将于周日（17日）参加机场三跑10公里赛，希望能在28小时内完成赛事，让他有足够的时间领取选手包。
伍富桥妻搞流水宴
伍富桥大爆两位太太在不同的check point做support team，太太又大搞流水宴，让其他跑手都能享用美食，生果已经有10盘，还有车仔面和热饭，希望其他跑手都能开心完成赛事。吴业坤指太太会辅助伍富桥太太，做对方助手：「总之一齐过嚟，始终人手都好需要，冇理由要佢太太一个负担晒所有嘢」，吴业坤又认为：「总之大家有需要就……又唔系一个要追成绩嘅比赛，所以大家最紧要开心、健康、安全就得。」
伍富桥安全至上
伍富桥表示：「『人无事先做到世界冠军』丫嘛。即系都担心嘅，我哋so far都好少会咁大雨去行山，之前好多时都系行咗一半先有毛毛雨，但系而家都已经落咗成两日，啲路都应该比较难行，咁就乜都试吓罗。佢（坤哥）就试过好冻嘅时候行啦。」而吴业坤因为试过行富士山，笑言：「应该系两个世界嚟嘅，希望我哋四个人都可以齐齐安全到终点。」
伍富桥曾忧打风
对于近日打风又落雨会否忐忑不安？伍富桥直言：「都有㗎，都担心会⋯⋯好似几个风都嚟紧，但好彩就系前一日打咗8号，就知道今日应该可以OK，应该未试过连续两日都打8号，咁就知道应该可以如期举行。」吴业坤表示：「寻晚临瞓前都希望寻晚落咁大雨，今日应该冇嘢啦，但都系祈祷失败，不过唔紧要，我都期待Alvin太太下昼美味嘅补给品，所以呢个就系我嘅动力。」
被问到应对天雨路滑嘅策略？吴业坤准备充足，带长袖衫及雨褛：「之前冇试过，之前次次都好好天，可能大家真系要准备啲防水嘅风褛，保存个体力同埋体温，同埋特别准备多咗啲gel、gummies，去keep住个糖分，最紧要系keep到个精神同所有嘢。」
伍富桥做足准备
伍富桥反而担心湿鞋：「反而系惊对鞋会湿，一湿咗，磨擦多咗就会起水泡，我哋始终都要行成20几个钟，都惊只脚会提早出现水泡，因为我嘅经验系，每次我三、四个泡都走唔甩，都有啲担心呢样嘢，但系冇办法，我哋都系行，我哋行毅力嘅，OK嘅。」伍富桥续表示：「中途50 km嘅时候可能会换对袜，可能会好啲，下昼应该唔换㗎啦，因为你着开嗰对，你就会唔适应。」
伍富桥戥妻辛苦
被问到早上是否获得太太打气？伍富桥笑说：「喺睡梦中打气罗，唔知你系咪？」吴业坤则晒幸福称太太有整早餐：「最简单嗰啲玉子烧加个白饭咁样，补充体力，最安全。佢（伍富桥）太太好劲，我见佢前日已经准备咗好多，总之乜都有啦。」伍富桥承认太太的准备好丰富：「又有生果盘啊，跟住佢哋嘅饭餸，跟住枱枱凳凳。因为寻日知道会落雨，就特登去买咗把太阳伞，希望我哋嚟到嘅时候，同埋喺佢等我哋嘅时候，唔会淋雨淋湿。其实我觉得平时support已经够辛苦，等我已经好辛苦，分分钟等几个钟，但今次仲要落住雨等，真系好辛苦。」
伍富桥怕妻苦等
吴业坤补充补给不只预备他们四人，而且是免费，帮助有需要的朋友：「太太唔净系预备我哋四个人，系预备埋俾其他人，如果真系有需要，都可以过嚟补给。」伍富桥直言预备不少份量：「净系生果都10盘到，直头可以做一个check point站，佢个量多到，行埋嚟就放题㗎啦。」伍富桥又赞太太：「系佢自己谂嘅，因为本身我都话会唔会太多，佢冇玩过，但系佢有做过support，佢话可能有啲人真系独立嘅团体，自己玩，冇support，又可能好少support，嗰啲人见到咪可以过嚟攞，我哋预多啲都冇所谓。」对于check point马骝偷袭，二人未有太过担心，认为会赶及补给。伍富桥不忘感谢太太付出：「陪伴都需要，都辛苦，所以今年都叫咗三、四个朋友过嚟陪佢，有个伴倾吓偈，饮番杯又好，点都好，冇理由叫佢哋乾等。」
吴业坤再战三跑
对于目标，吴业坤称：「希望二字头罗，之前keep住都系三字头，希望今次入到二字头，（都系想破自己纪录？）系罗，希望天公做美。」完成赛事后，吴业坤笑说：「再跑多个三跑（10km）庆祝下，不过唔知道攞唔攞到个号码簿，本身系寻日攞，但取消咗，如果赶得切喺28个钟跑完，跟住再完成埋啲手续，跑埋个三跑。」吴业坤坦言最近较忙碌，但会尽力：「第一年其实都冇乜练习，我觉得意志系大过一切，而自己本身都有做开运动，但都唔代表系可以轻视，但真系报咗名就尽力而为，喺最安全嘅情况之下做好佢。」而吴业坤之后的赛事，太太会陪他一齐跑。
其他文章：
最新回应