MIRROR「夜粥小组」《FING!》走负能量 杨乐文 江𤒹生 王智德 陈瑞辉跳electro dance跳出默契
2024-12-10 22:45 
MIRROR小组歌来到第三回 — 四位成员杨乐文(Lokman)、江𤒹生(AK)、王智德(Alton)及陈瑞辉(Frankie)选择以跳唱作品〈FING!〉跟大家见面，跳舞多年的四子更首度挑战在香港甚少见的electro dance，甚有新鲜感，歌曲风格亦是MIRROR前所未有的全新尝试。
AK说歌名有意思
歌名《FING!》不仅是一个动作，更是食过夜粥嘅「夜粥小组」想传递的讯息。AK介绍道：「希望大家揈走一啲不必要嘅负能量，又或者唔关自己事但又摆喺自己身上嘅嘢，譬如有啲人放负纯粹抒发一下，但自己又会吸咗，所以一啲唔关自己事嘅嘢，揈开晒先，focus返喺自己度，做好自己嘅嘢。」一听见「FING（揈）」这个字，大家或者会想到过程很论尽，但AK续道：「我哋都讲求揈嘅时候要keep返最真实嘅自己，维持最锺意做嘅嘢，仲要keep返自己最有型嘅状态。」
王双骏度身订造
新歌由王双骏（Carl叔叔）包办作曲、编曲和监制，Carl叔亦表示这次是收到四子想跳的舞蹈风格影片后度身订造出〈FING!〉，是以舞蹈为主轴的一次创作；歌词部分除了有Oscar填词，Lokman及Alton亦亲自填写Rap词，Lokman道：「我嗰段系有趣啲但冇乜内容，不断重覆几句句子，玩下排序，当中用咗『揈』字好多次，点解呢？因为我哋系先谂咗用electro dance呢个舞种先，呢种舞嘅特色就系只手系度乱咁揈，揈一啲好神奇嘅pattern、路线同节奏出嚟，我就用呢种舞种嘅感觉去做开头，希望我用无厘头搞笑嘅方式去令大家点样阅读呢首歌。」至于Alton部份，他介绍道：「我就写返世界嘅生存之道。世界愈见复杂嘅时候，我哋点样揈走同自己无关、无益嘅嘢，搵返自己核心价值，搵返自己开心泉源，搵返属于自己嘅处世之道。讲到好伟大，但最后就睇下大家听到啲乜喇！」
Lokman找西班牙朋友帮手排舞
说回Lokman前面所提及的electro dance，今次〈FING!〉的舞步除了hip hop及wrecking外，亦会尝试electro dance，这全因Lokman想玩新花臣！他说：「细个睇过一种舞叫electro dance，睇完好深刻，到我哋有小组歌嘅时候，突然醒起呢个舞种，于是问过三位兄弟都OK，然后问咗一个喺西班牙好多年嘅跳舞朋友，因为呢个舞种都系欧洲发起，佢有学过少少，然后咁啱佢又返香港，就顺利成章搵佢帮我哋排舞。」Electro dance 4个人都未曾学过，Frankie坦言很开心可以一齐作出新尝试，他道：「呢次舞蹈好玩，学到新舞步，我哋4个好似好耐冇跳过舞，终于学到新嘢好开心，大家拍MV前都不停喺度练。」虽然要在拍摄前苦练，但Frankie直言好玩多过辛苦，他说：「〈FING!〉系3只小组歌入面跳得最多嘅一首，但拍MV又唔觉辛苦，因为大家好有默契，一齐跳开，vibe好舒服，同埋首歌好玩，4个当玩咗去就可以。」不过由于MV中另有剧情要交代，而electro dance的手部动作较多，当中亦有很多连系，在MV里就未必会睇到很多细节，若要欣赏Lokman、AK、Alton与Frankie如何跳出默契，就要留意他们日后的Live演出了。
另外值得留意的是今次〈FING!〉MV内的另一个小细节，AK透露：「大家细心留意MV会有一个QR code，其实会连去一个number，嗰个number会带你去一个群组/频道入面，里面就会睇到〈FING!〉呢首歌嘅所有资讯，所以大家要留意喇！」
最新回应