专栏 Will知足球｜爱华顿终于等到救世主？
2024-12-22 07:00 
「爱」你我管不了是祸，爱华顿近几年都系运滞，上季因违反财政公平条例而被扣8分，今季新球场就因为打风时去水系统失灵，搞到水舞间咁，财务状况都系危危乎。今个星期终于有救世主出现。
新班主炒人手起刀落
救世主就系嚟自罗马嘅班主Dan Friedkin，又系一个嚟自美国嘅班主，拖肥成为第10支英超球队由美国班主所管理。我哋可以睇下佢喺罗马嘅作风系点样，今季短时间就直接炒咗执教8个月嘅球会传奇迪罗斯，而之前重返欧洲舞台嘅摩连奴，当时都系被呢位班主炒咗，更只系用咗25分钟嘅会议，令一众罗马球迷都怨声载道，同时引发到依家罗马要搵云尼亚里出山救火，似乎球迷同班主嘅关系就麻麻哋。
对于爱华顿依家嚟讲，最重要就系踢走旧班主莫斯利，当地嘅气氛似乎班主走人，仲兴奋过有一个新班主嚟到。既然得偿所愿，即管睇下爱华顿嚟紧又搞唔搞得掂。Willhappy
關鍵字
最新回应