陈柏宇后悔错过买比特币最佳时机 考虑搵被认错洪卓立任演唱会嘉宾丨独家

陈柏宇（Jason）最近推出新歌《关于后悔》，理性的他坦言比较少后悔，唯一后悔是错过投资比特币最佳时机。谈到下月举行演唱会主题「LIFE IS LIVE」，他认为生活中最重要就是家人，所以过亿六合彩金多宝必买，又考虑搵早前被乐迷认错的洪卓立任演唱会嘉宾。采访：杜杜 摄影：林宾尼 形象:@exactly.the.sam 发型:Billy Hai@The Attic化妆:Jessica Chan 服装:@cos 场地:BLACKROOM@blackroomhk

Jason为演唱会近期会少讲嘢养声，又会减少食煎炸食物。

Jason最大的新年愿望就是「财源广进」！

 

Jason对于新歌《关于后悔》他指内容是填词人黄伟文「赐给」他，又称本身很少会后悔，「好后悔冇做，咪去做返罗，嗰啲嘢冇得做返，咪向前行罗！」唯一令他后悔至今，就是一个投资决定，「好后悔当年个friend叫我买Bitcoin（比特币），嗰时只系3千蚊粒，我冇买到，去到3万蚊粒先识买。」不过他好快就释怀，「都系成功咗先至后悔啫，如果𠵱家Bitcoin只值10蚊粒，就唔会后悔冇买，直情庆幸做咗个啱嘅决定，所以咩都后悔就有少少攞苦嚟辛。」

人生少有后悔的Jason，唯独是迟买比特币。

为家人买六合彩

Jason下月在港举行的演唱会以「LIFE IS LIVE」为题，他认为生活除音乐外，家庭是最重要，「对我嚟讲，为自己嘅动力系冇为其他人咁大，为自己好多嘢冇乜所谓，但系为家庭会想佢哋过得好。」访问当日刚巧是六合彩金多宝达1亿2千万开彩前夕，他工作中仍抽空去买，「呢次去到9位数字喎，真系要买啦，哈哈！」他认为令屋企人生活得更舒适，是努力搵钱最大推动力，「家庭负责唔畀你储钱，但系为咗家庭系要搵钱，冇咗家庭未必搵咁多钱，有时太舒服真系会好难推动去进步。」

《LIFE IS LIVE演唱会》海报，Jason用上跟家人合照。

Jason认为家人是生活中最重要，亦是搵钱推动力。

搞笑的Jason，幻想中了过亿六合彩已开心到癫晒

 讲到早前跟囡囡直播时，遇到有歌迷误认是洪卓立，Jason坦承不感到尴尬，而刚巧洪卓立都准备开骚反而可当宣传，「大家互相抽少少水几好，哈哈！演唱会搵佢做嘉宾都可以谂吓喎！如果真系佢做嘉宾，《弥敦道》就佢自己唱啦！」相隔3年再在港开演唱会，他一样紧张，唯有靠多练习，「以前冇咁早做准备，但系今次系早咗做准备，可能以前唱得唔好，唱得太多会仲差，伤声嘛！𠵱家多咗好嘅习惯就可以练多啲。」

Jason早前跟囡囡直播时，遇到有歌迷误认是洪卓立。

Jason跟洪卓立老友鬼鬼，趁机互相抽水宣传演唱会。

Jason跟洪卓立老友鬼鬼，趁机互相抽水宣传演唱会。