星8卦丨「丑爸」乘人之危娶「斯文」离婚多年冇断财路证真爱

其实系咪真正爱一个人，睇个男人系咪念念不忘罗！好似「丑爸」娶完一个又一个 ，咁多年落嚟佢最爱嘅都系「斯文」，但「斯文」离婚后又嫁咗好多次，话每当爱情感觉消失， 佢就同当时嘅老公讲拜拜。

相关阅读：星8卦丨「花旦」错嫁破产「伯伯」转名下物业被充公蚀大本

「丑爸」有嘅系钱，但冇办法跻身上流社会，咁啱见到「斯文」 乜都识，琴棋书画件件皆能，就梗系生滋猫入眼。「斯文」出身好，老窦喺社会上有知名度同地位，于是发力狂追，咁啱人哋老窦经济出现问题，「丑爸」 即刻表示可以帮手度过难关。

老窦梗系高兴，亦知「丑爸」嘅心意，叫「斯文」好好咁对呢位有心人，「丑爸」亦唔客气咁叫老窦帮忙追老婆，三扒两拨娶埋返屋企，做埋一家人就梗系唔驶还钱。

相关阅读：星8卦丨「才子」耍性格被封冇入息 肯跪低获撑有财有威过新年

「斯文」个心就梗系唔爽，生埋又靓又可爱嘅女就同「丑爸」讲要出去追求爱情，「丑爸」用尽方法都留唔住老婆，惟有放手。但咁多年佢都仲照顾「斯文」嘅生活，即使之后娶埋「女主角」都唔断粮水，证明呢个女人至系佢嘅最爱！