陈慧娴红馆跳到甩裤 李克勤自言已有家室唔敢帮手 心痛好友周围飞劝训练仔仔白手兴家

陈慧娴40周年演唱会，来到第三场，并邀请了好朋友李克勤任嘉宾。休息一日之后，慧娴再返红馆，依旧状态大勇，气氛比前两晚更热烈，整晚都全场大合唱歌声震馆，令她十分开心，不知是否观众反应热烈，慧娴亦被带动忘我，跳舞环节兴奋跳到甩裤，当她与克勤完成《跳舞街》之后，立即大叫 :「克勤呀！我唔知系咪瘦咗呀...我条裤甩左落嚟，我入面个条打底裤呀.....你帮我搞搞得唔得....」李克勤就尴尴尬尬笑住话，「我有家室㗎啦喎....」慧娴 :「唔紧要啦，当睇唔到啦今晚....」克勤 :「搵个女 dancer过嚟啦，过年流流.... 」引得观众大笑。

慧娴不时问克勤意见

两个由20岁就相识的好朋友，从宝丽金年代已经同一间唱片公司，兜兜转转又再于新公司英皇娱乐中做回同事，慧娴表示，「佢系李克勤！佢藉得启德个馆咁大掌声呀！」克勤笑道，「咁客气呀，识咗几十年...」「 就系识咗几十年，我哋好少喺台讲真心话，通常真心话都系我哋喺电话讲，佢真系一个天才嚟㗎！我做咩都问佢意见，今次演唱会佢都特登第一场就嚟睇，又俾咗好多意见我，好多我谂唔到嘅嘢，佢都谂到。咁多年，我做咩节目，接咩工作，佢都俾好多意见我，我乜都问佢，不过近半年我见你不停咁巡回演出，飞去呢度飞去个度，我都唔敢打咁多电话俾你，有时见到都觉得有啲心痛，做咩咁辛苦啊？」克勤回话，「哗，我有少少眼眨泪光添，我家庭负担重嘛。」慧娴就训话，「你唔好咁辛苦！等佢哋好似你咁白手兴家！自己赚钱！」观众即掌声雷动，克勤笑道，「我都要洗㗎，男人需要安全感嘛，我咪努力搵钱罗。」慧娴:「系啦，你重系一个细路，你重要砌嗰啲咩go嘛。第日我冇得食，唔该你救济下我啦，as my best friend ，我知你一定会，我依家落去换衫，你同我唱半个钟啦。」

整晚都全场大合唱歌声震馆，令慧娴十分开心。

两个由20岁就相识的好朋友。

慧娴跳舞环节兴奋跳到甩打底裤，她叫克勤帮她整理，却被克勤以有家室的理由而拒绝。

二人从宝丽金年代已经同一间唱片公司，兜兜转转又再于新公司英皇娱乐中做回同事。

慧娴大赞克勤系一个天才，做咩都问佢意见。

慧娴说近半年见克勤不停咁巡回演出，有时见到都觉得有啲心痛。

克勤独唱时谓自己为了这个好朋友，第一晚刻意就来捧场。

克勤唱出慧娴的经典名曲《去吧》。

克勤睇头场做定准备

克勤独唱时谓自己为了这个好朋友，第一晚刻意就来捧场，「我都未试过做人嘉宾要跳舞嘅，诚意十足㗎啦，睇咗一次先，有定心理准备。今晚拣左一首慧娴冇系演唱会拣嘅歌比大家，如果大家钟意，一阵热烈啲一齐唱。接著唱出慧娴的经典名曲《去吧》，行走cd果然名不嘘传，令观众听出耳油，热血沸腾。