MC张天赋要「清清地」过年迎群星骚 洪嘉豪要「洗劫」Dear Jane 已婚成员 孖陈蕾华纳三宝同台成焦点

 华纳唱片动员12个歌手乐队单位参与《Katch Our Life WARNER！GO！》将于2月15日举行，包括Dear Jane、陈蕾、洪嘉豪、MC张天赋、Gareth.T汤令山、Gigi张蔓姿、Kiri T、moon tang、Zpecial、Lewsz、Nancy Kwai归绰嶢、Gordon Flanders，势要炸裂亚博舞台！华纳三宝同台呼声最令人期待。]

陈蕾称群星骚难度随时高过自己个唱

由于横夸农历新年，众人「度期」彩排甚有难度，洪嘉豪笑言新春期间将联同华纳仝人「洗劫」Dear Jane 主音Tim及低音吉他Jackal ：「因为结咗婚嘅同事唔系好多个，仲要阿Jackal哥新婚，一定要比佢感受『派利是』嗰种喜悦！」陈蕾就表示想「闭关」，练歌之馀亦为来年搵灵感：「因为过去一年都好忙，冇咩时间可以喺屋企静吓，可以把握机会喺屋企写歌找数，又可以静吓谂吓未来嘅方向！今次呢个骚好多Medley要唱，记极多嘅歌词之馀，仲要好多舞台嘅走位，随时难度高过自己嘅演唱会。」

华纳唱片动员12个歌手乐队单位参与《Katch Our Life WARNER！GO！》，当中包括Gareth.T汤令山。

陈蕾表示这个骚好多Medley要唱，仲要记极多歌词。

仲有今年凭《至少做一件离谱的事》爆红的Kiri T。

Gordon Flanders

洪嘉豪笑言要「洗劫」结了婚的Dear Jane 主音Tim及低音吉他Jackal。

靓声王Moon Tang

Zpecial

MC表示为了这个骚、唔敢松懈，更要戒口过新年。

女神Nancy Kwai归绰嶢

当然唔少得Dear Jane！

MC戒油过农历新年

MC张天赋则表示为了这个骚、唔敢松懈，扬言戒油过农历新年：「怕食太多会影响声带，所以今年就『清清地』过年。（呢次骚最特别边部分？）自己个部分梗系唔讲啦，听闻所有女歌手会跳舞，Dear Jane 同Zpecial仲会Cross Over！（三宝同台？）大家幻想吓啦，到时咪知罗！」