维港会：清洁龙阿德出新歌 Rap住教你灭鼠三式

清洁龙阿德宣传环境卫生一向多谂头，而家歌都出埋，认真犀利。阿德噚日喺facebook上载一首Rap，宣传清洁嘅讯息，引起网民讨论。

首Rap叫《我今天出了一首TRAP MUSIC 叫做我叫做KEEP CLEAN AMBASSADOR》，由多个阿德背后的工作人员合力Rap出嚟，歌词更教大家灭鼠三式，「有人同我讲，灭鼠好鬼烦，我话你听，根本一啲都唔难，断佢粮封佢路拆佢间屋，灭鼠三式，老鼠郁都唔驶郁。」

新歌一出立即吸引网民注意，纷纷留言赞好，「有冇得买/down嚟听？几时出碟？」、「我真系觉得几好听」。