维港会：大妈打尖上小巴有下文 守规排队司机喝住「唔收钱」

有网民在社交专页发文，指前日凌晨2时许在荃湾等小巴时，遇著一名大妈「打尖」冲上车，最终被司机及车上乘客合力施「妙计」驱赶。故事未完，该网民昨晚再更新续集，指昨日上车时又遇到同一名大妈及同一个司机，大妈今次「好乖有排队」，好守秩序，司机见她上车，仲讲话「上次你畀咗钱，想叫你(今次)唔使嘟卡」！不过大妈今次又「秒冲上车嘟咗卡」。

该名网民昨晚在facebook专页「哈弟Hadee─我由乜乜徒步到乜乜」发帖，指原来大妈「打尖」故事有续集，「我真系冇讲大话」，搭小巴再撞到个「阿姐」，指她今日好乖有排队，又好似「爱回家」剧情咁，再撞返同一个司机。大妈上车时，司机好Nice地说「喂，阿姐！」，大妈即时好惊回了句「我有排队！」小巴司机：「见到」，更同大妈讲「我系想叫你唔使嘟卡，上次你畀咗钱，我谂住今次唔收钱喇，我唔系话你唔排队呀！」。

不少网民睇完续集，纷纷留言，更力赞司机「好人」、「好有爱」，有「铁汉柔情」的一面，指大妈「孺子可教也」、「知错能改」，更有网民笑言「证明大陆人受硬唔受软」。更有人指剧情绝对可以用来拍剧，笑指「剧情到最后，司机会同阿姐结婚」，「哈弟Hadee─我由乜乜徒步到乜乜」看到留言回应指，「最尾阿姐落车时，司机讲咗句：我唔怕老婆，但都怕咗你！」。