维港会：公屋户呻住客生晒鸡翼吊到下层 网民诧异「咩玩法」

不少人会趁天气冻自家生晒腊味，但未必人人都能接受。粉岭华明邨有住户在facebook抱怨，楼上单位住客已经常晒腊味，今日更「生晒鸡翼」，而且「仲滴紧油」，怒斥「究竟知唔知会影响到楼下架」，但无奈向管理处投诉后终不了了之。不少网民都对生晒鸡翼感惊讶，「晒腊味我理解，但晒鸡翼系咩玩法」，建议楼主「剪返几只嚟煎啦」。

有网民在facebook群组「Fanling 粉岭」发帖，称「华明邨礼明楼某单位超级锺意晒腊味！今次仲天然生晒鸡翼！佢究竟知唔知，会影响到楼下架啦！投诉无门！！！」帖文附有的照片所见，楼上单位在窗外吊起一串鸡翼。

帖文掀起热议，有网民直言第一次见晒鸡翼，「鸡翼都有得晒」、「晒鸡翼咩玩法，第一次见」；另有人建议「拎支火枪帮佢烧熟佢」，又提议用铰剪剪走鸡翼，但楼主留言回覆「我都想呀， 但系高得滞， 依家仲滴紧油」，并指已经向管理处投诉，但称涉事住客不在家便不了了之。有网民认为楼主要尽快联络有关部门处理，「条绳唔实就跌落街，一阵有人被鸡翼扑中个头咁点算呀？」