维港会:杨立门开骚前喉咙发炎 搵中西医急救保靓声

有「AO歌王」之称嘅厂商会行政总裁杨立门，一连两晩喺大会堂音乐厅举行个唱会—「好歌万年青杨立门演唱会」，今晚首场气氛好热闹。
原来杨立门早前喉咙发炎失声，怕好似刘德华咁因病临时取消演唱会，于是中西合壁求医，好彩仍可保靓声，对歌迷都有交代。他今晚以经典流行曲《有了你》、《当年情》打向头炮，跟住唱尽中英文、日文好歌，仲同dancer边跳边唱，又交嗰咪俾全埸观众一齐和唱。
近日歌神张学友举行演唱会，一票难求。杨立门讲笑咁话，如果大家买唔到学友嘅黄牛飞，可以听佢唱学友嘅金曲，于是唱了多首学友嘅名曲。
杨立门又话，最高兴有机会公开唱当年由群星合唱的香港特区成立十周年纪念主题曲《始终有你》，至like「人人能力大小也力拼 任谁留下血汗 就是个精英 香港始终有你」呢几句歌词。

当年同梅艳芳同场比赛，杨立门歌龄有数得计，佢话自己年纪接近近日政府所讲嘅「中年」，不过好多人话佢睇落唔似，原来佢有独家秘诀，就因为姓杨，英文串法是Young，所以不止中年，更是永远年青，同佢演唱会主题「Raymond Young's Forever Young Concert」相呼应。
今次演唱会有双重意义，还替赞助商厂商会旗下「厂商会中学教育基金」筹得共100万元。政制及内地事务局局长聂德权坐足全场支持，又上台颁发纪念品予主要捐款人兼厂商会会长吴宏斌、第一副会长史立德及副会长马介钦，3人捐款共30万元。