【维港会】六合彩1亿擦身而过 网民：人生最痛莫过于全部射歪！

六合彩新春金多宝是史上金额最高，若然一注独中，高达1亿元！若果你投注嘅号码「偏偏刚刚擦过」，咪话唔揼心口。有网民系Facebook群组「巴打丝打 Facebook Club」及「PLAY HARD 玩硬」上开Post，话「人生最痛，莫过于全部射歪」！

图片显示，楼主投注嘅号码(8、18、28、35、38、48)，正正就系同搅珠结果差1个号码！(1、19、29、34、39、49)，撇除8号之外，其他号码只需要加一或减一，就可以中5个字，获派3奖，虽然因为中奖人数多，但派彩都有1.9万！

不过原来唔止楼主一个人「射歪」，有唔少网民都留言同贴出自己嘅彩票，都系差少少就中，仲搞笑咁话「你并不孤单」。亦有网民揶揄「人生最远的距离」、「唔使咁痛，未轮到你啫」、 「避得好到位」。