【维港会】带32岁「细路仔」索假病假纸被拒 港妈𦧲地闹「点解夹埋虾佢」

香港地各类人种无奇不有，一名妇人上月带其32岁「处男细路仔」儿子看医生，拒绝出示身份证，被拒看症后大闹诊所，引起网民热议。原来「故事」还有续集，该对母子日前又到访该诊所，今次是死𦧲医生写早一日病假纸，结果要惊动警员到场调停。

据「西客之道 Hispitality Secret」专页，该名港妈今次得戚地飞张身份证入登记处窗口，扬言「嗱！身份证呀！挂号啦八婆，都唔知您系咪想沟我个仔先死都要佢张身份证。」护士暗地抱怨，「呀太，我结咗婚好多年架啦，而且边个顶得顺你做奶奶呀」。

当时要等几个病人才轮到该对母子，港妈就在诊所催「话自己个仔病到就死，烦大堂其他病人让佢个细路仔睇先喎，但无病人理佢亦无人肯让佢」。当轮到母子入内看诊，又传出医生与港妈吵架的声音。

原来该名港妈声称早一日儿子好病，睡足全日无起身，要求医生写回早一日的病假纸。医生坚持犯法一定唔开假纸，于是港妈就发难个「你犯法关我咩事，总之我畀钱你比张假纸我个仔，我个仔公司无咗佢唔得架。」而该名32岁儿子则依旧坐在病人椅打游戏机，无视一切。

护士透露，「佢啊妈疯狂咁闹，言语间听到佢个仔系某连锁店到做厨房的，跟著个女人见医生唔理佢，净系话总之唔会开，佢呀妈癫咗咁打开医生房门，系咁对著大堂叫话呢间诊所啲人正X街，虾佢家爷仔乸，又话我哋唔开假纸畀佢个仔，想佢病死想佢失业，我哋好毒想佢哋两个死。」

当该名32岁儿子想起身出大堂，港妈就阻止，要求坐到医生开假纸为止。出面的病人见状威胁报警，港妈于是扬言「报警啦，搵埋记者睇下您呢班X街点虾我个仔呀！」港妈指责医生搞事，称开张假纸有几难，又不是无钱。

当场果然有病人报警，港妈见大堂无人理会，于是走到登记处闹护士，「呢啲女人正衰人，个仔咁纯真咁好，点解你要夹埋个医生虾佢，肯定系（护士）上次沟唔到个仔，所以今次咁毒唔比医生开假纸畀佢」。

随后港妈又走返入去闹医生，警察到场调查后称纠纷也无能为力，将女子带出诊所调停。但之后护士见到女子系门口坐落地下𦧲地，警察都好无奈。扰攘一小时后，该女子终于离开。警察转交了医委会的电话号码，叫女子如果不满意就打去投诉。

有网民就称，「医生应该写纸，不过系转介精神科」、「好想睇有第三次」、「应该列入黑名单」。