【维港会】师奶超市买蕉「每梳搣一只」 自由组合靓蕉惹批评

市民去超市买生果，都会想拣无烂兼最靓嘅生果，但有无见过有人逐梳蕉搣一只最靓的购买？有网民在FB群组「将军澳」上传照片，指超市有顾客在选购香蕉的时候，居然「见蕉拆蕉」拼成自己心水靓蕉组合，引来不少网民指责。

照片所见，一名身穿蓝色上衣的妇人在超市选购水果，购物车上香蕉七零八落，并不是原整一梳香蕉。上传照片的网民者在帖文中指责妇人，「做个有公德心嘅将军澳人由你我做起！超市买蕉有得拣系好事，但顾己及人唔好搣到人哋啲蕉散晒，梳梳咁搣一只咁买会好食啲?食唔到咁多就拣梳细啲嘅搣，影响少啲人自己买又买得开心！你话系唔系先 ？」

帖文引来不少网民认同留言，更有人指类似情况时有发生，「见蕉拆蕉」、「见过一只香蕉一个胶袋，职员话佢哋，扮听唔到！」、「次次有职员拎啲蕉出黎，班猩猩就好似饿狗抢屎咁抢晒去购物车度慢慢拣慢慢搣」、「我见过胶纸扎住特价，竟然将胶纸连特价换落扎靓蕉度！」、「唔止呀！将橙和苹果系咁掟，好似有仇一様，㨂完又用鼻闻一闻，跟住掟番低走人唔买，乞人憎！」