容海恩与陈家佩齐抱B茶聚 不忘争取港府一次性奶粉津贴

新民党立法会议员容海恩（Eunice）最近有弄瓦之喜！Eunice今日就同早前同样生咗第二胎的党友、南区区议员陈家佩齐齐同传媒茶聚，话要介绍两人的千金俾大家认识，Eunice千金昌蔚唔惊唔觉已经出世3个月，而家佩的千金Hannah就已经4个月大。Eunice就话，而家昌蔚已有7公斤重，成个肥妹仔咁，个样就似足老公袁弥昌，仲大爆老公最近晚晚一路睇欧联一路喂奶！

两个妈妈同BB难得聚头，当然就好多野倾，双方仲极有心意安排咗礼物交换环节添！一开始Eunice母女就亲子档就先为家佩献上表演，Eunice就播出交响曲，让昌蔚指挥舞动。家佩就送上本地品牌的婴儿食品予Eunice，同时又送上玩具琴一部，直言该琴唔单止可以学音乐，亦可以学习键盘上的不同颜色，岂料此时Eunice就突然爆出一句「千祈唔好识黄色就得啦，其他都要识」，唔知当中有咩含意呢？Eunice则有送上毛巾作为回礼。

做咗妈妈的两位政界女士当然更关心育婴议题。Eunice就话而家奶粉钱贵，最平都要二、三百蚊罐，期望港府给予一次性、每位婴儿两万元的奶粉津贴，帮轻家庭负担。家佩则指出，现时托儿服务需求殷切，期望港府加大支援。