夏日消暑｜$8 重拾童年味道便利店透心凉雪条雪糕新品推介

2022-08-16 00:00

夏日热辣辣好热好热，明明最近日日都落雨，但唔知点解天气依然热到人都溶。呢个时候，剩系开冷气已经唔够喇，食番啲透心凉嘅冰品落肚先系皇道。梗有一间喺左近嘅便利店就有不少选择，以下两款雪条雪糕性价比甚高，仲系今个夏季先新出／强势回归，你又试咗未？

1) 能得利黑加仑子味冰条

能得利软糖，应该无乜边个香港人细个未食过。夏天食糖可能太腻，但变成雪条就唔同玩法喇。雀巢能得利黑加仑子味冰条 2013年首度上架，保留果汁软糖嘅真果汁口感及甜腻味道，再加上冰条嘅消暑爽凉感觉，当年都几多人抢住试，可惜之后就无再推出。今年能得利冰条强势回归，每支0克脂肪、无人造色素，价钱又唔贵，买枝嚟降降温兼重拾一下童年回忆都唔错。

雀巢能得利黑加仑子味冰条 HK$ 16 / 2支

2) 蓝莓芝士味雪糕三文治

各式雪糕三文治一直有自己嘅独特市场，贪佢一次过满足两种口感、两种愿望。今个夏天雀巢加入战场分一杯羹，推出全新蓝莓芝士味雪糕三文治。圆型芝士蛋糕口感饼层，夹住含有真正蓝莓酱嘅蓝莓芝士味雪糕，啖啖都有双重滋味，既系冰冻雪糕，亦系有咬口嘅甜品。比起普通雪糕，多了一份饱肚及满足感，3 点 3 下午茶食番件一流。