關注組大推｜觀塘$10八粒超高質豬肉燒賣超長人龍3pm賣晒！網民激讚1個細心位贏人心

2022-11-30 00:00

早前在Facebook的「香港燒賣關注組」，有網民大推觀塘駿運士多的魚肉燒賣，每粒只係1蚊，超抵食咁話，駿運士多因而人氣急升。雖然近日加了少少價，但完全冇減駿運士多的人氣。駿運士多的出品再次被大推，今次更被推到上「香港茶餐廳及美食關注組」，網民大讚其豬肉燒賣，價錢為10蚊8粒，同樣極抵食！燒賣新鮮出燼熱辣辣，一打開蒸籠已聞到豬肉燒賣的陣陣油香，每粒都清楚見到有冬菇碎，超足料。

駿運士多的辣油同樣出色，唔少網民大推辣油配燒賣食

CP值極高！燒賣之前平均1蚊1粒，而家是10蚊8粒，同樣抵食呀

一口size剛剛好，豬肉燒賣夠足料，魚肉燒賣又夠彈牙

新鮮出爐熱辣辣

網民仲讚阿姐超快手極純熟，即使要排隊都唔使等好耐就買到

小店仲有腸粉、粉果、牛肉球等小食

駿運士多被譽為「觀塘最強燒賣」，又平又好食深受打工仔歡迎，聞說生意好到每日3pm就賣完，想試的話早些少去吧。而這類店舖細細的小本經營食店，通常衛生情況都強差人意。但駿運士多除了有燒賣、粉果、牛肉球等價廉物美小食之外，在關注組中更被大讚其衛生情況。有細心網民發現，每逢星期日休息，駿運士多的員工都會為小店清潔，蒸籠、爐頭、爐具都進行大清洗，洗到乾乾淨淨迎接下個星期的人龍。