疑似香港生果檔告示不客氣：「揀完橙唔買就XX」 網民反應兩極 : 北上消費有原因 VS 只揀不買好討厭！
2024-06-28 00:00 
平日買水果，不少人都會先檢查一下水果外皮有沒有爛掉或損傷，揀選一下再購買。但如果挑選過後卻未有光顧，就可能對店主造成煩惱。近日就有網民發現有生果店店主於當眼位置貼出告示，「揀完橙唔買就XX」，引來網民熱議，反應兩極。
疑似香港生果檔告示不客氣：「揀完橙唔買就XX」
點擊睇 生果檔告示不客氣 揀完橙唔買就XX！
平日買生果，多數人會先檢查水果外皮有沒有爛
拿上手揀選一下再購買
如果揀完一輪卻一個生果不買
就可能造成生果舖店主的煩惱
近日有網民發現 有生果店店主貼出告示
列明「揀橙唔俾錢 一旦發現 馬上報警處理 多謝合作」
樓主認為生果檔店主的舉動反映部份香港老闆做生意的心態
樓主：生意唔好係有原因！
對於生果檔店主不客氣的 告示，網民反應兩極
網民：最憎啲傻X揀嚟揀去！
網民：唔買揀嚟做乜？佢又唔係唔俾揀。
網民：不過有啲師奶真係好討厭，揀晒、㩒晒每個橙... 之後唔買。
網民：揀橙唔買！算唔算刑事毁壞？
網民：見到呢啲正常就唔好買。由得佢擺到爛！
網民：北上消費是唯一出路～
網民：揀 = 一定要買，都幾惡 咪由佢全部橙團團圓圓留在一起。
網民：揀都冇犯法，警察嚟就拉個老闆浪費警力。
網民：睇下都唔得，揀極都唔靚又要焗買呀？
網民：你真係未見過d阿婆，係超市點樣將人地成盤橙都驗過的情形。
日前，有網民在社交平台Facebook「全港店舖消息(開張/執笠)關注組 (店舖/ 餐廳/ 零售/ 商場/ 小店/ 大集團/ 實體經濟)」群組發文，表示發現有疑似香港生果檔的檔主貼出告示，列明「揀橙唔俾錢 一旦發現馬上報警處理 多謝合作」。雖然告示是以繁體中文字撰寫，但發出帖文的樓主未有透露該生果檔的確實位置。樓主在帖文內表示，從生果檔店主的舉動可以反映部份香港老闆做生意的心態，直言「生意唔好係有原因」。
網民反應兩極 : 北上消費有原因 VS 只揀不買好討厭！
帖文一出，引來不少網民熱議。對於生果檔店主不客氣的告示，網民反應兩極，有人認為「只揀不買」的確討厭，又有人認為難怪香港人要北上消費。支持檔主的人表示，「最憎啲人揀嚟揀去」、「唔買揀嚟做乜？佢又唔係唔俾揀。」、「不過有啲師奶真係好討厭，揀晒、㩒晒每個橙... 之後唔買」、「揀橙唔買！算唔算刑事毁壞？」；另一邊廂，有人則認為店主行為間接趕走客人，「北上消費是唯一出路～」、「揀 = 一定要買，都幾惡。咪由佢全部橙團團圓圓留在一起。」、「見到呢啲正常就唔好買。由得佢擺到爛！」。
延伸閱讀：揀橙秘笈｜水果達人教4招揀香甜靚橙 新奇士／蜜蜂／黑牌 果皮顏色厚薄是關鍵？
揀橙 4 大秘笈
橙身一般都貼著一個貼紙，是橙的標籤，不少食客 希望能憑標籤挑選靚橙。
有兩組數字在標籤非常常見，分別是「3017」及「4012」。
這個數字代表橙的大小，「4012」是大橙，「3017」是細橙，一般美國橙就算不同品牌都會共用這兩組數字。
不過水果檔檔主表示，這個數字其實主要是給果商方便標價，但對食家來說意義不大，因為與食味無關。
除了橙的數字大小，標籤亦反映橙的品牌及產地。踏入夏季，香港市面常見的橙一般來自美國，包括「新奇士橙」、「蜜蜂」以及「黑牌」。
林生認為這三個大牌旗鼓相當，橙味香濃，有一定的質素保證。當中「新奇士橙」最為港人熟悉。
「蜜蜂」質素高，不過在三個美國大牌中數量較少。
「黑牌」早幾年開始 在香港深受歡迎。
除了美國橙，來自西班牙的 Bollo 亦有不少捧場客，特徵是多汁、少渣、味甜，在 7、8月的出品會較為上乘， 不妨一試。
橙跟一般水果不同，大部份水果都是季節性的，但橙因為需求量太大，所以果商就出盡辦法令其可以全年日日 都有供應。
果商會使用極大範圍的面積種植，以美國新奇士橙為例，由美國北部至南部、遠至南非，都有設置果園，以提供給全球的銷售量。
美國新奇士橙的果園範圍這麼大，每年他們都會由一個園區，慢慢收割至另一個園區。第一批較早從樹上收割下來的橙，被稱為「新橙」；至於較後期才被收割下來的橙， 就是「舊橙」。
老一輩人常說，「舊橙比新橙好吃」。「新橙」剛剛在樹上結果成形，就被割下來了，逗留在樹上的時日不及「舊橙」，以致於「新橙」吸取的養份和日光都比「舊橙」少，令甜度不及「舊橙」高。
所以即使是同一品種、來自同一品牌的橙，都會有些較好吃、有些較為遜色。
可惜單憑外表或月份時日，普羅大眾難以得知該批橙是「新橙」抑或「舊橙」。
只能依靠水果店店主提供的資訊，或憑價錢推斷。一般「新橙」的價錢都會較為便宜，越後期的「舊橙」就越貴，價錢可以相差一倍。
要選擇好味「靚橙」，除了留意是否新鮮、有否皺皮變壞之外，基於新舊橙的不同，挑選手法亦都各異。
1. 如果是「新橙」，需要挑選連接枝位較為厚身的橙。按下去越硬、摺痕越多代表皮越厚。
「新橙」皮越厚，橙味就越香濃、越甜，不會這麼酸。不過有利亦有弊，雖然味濃，但水份會較少，果肉乾身。
2. 中段的橙，可以挑選稍為簿皮一些，按下去不會像磚頭一樣硬，水份會較佳。
另外要留意外皮顏色，色澤鮮明而橙色較濃為上品，味道會相對甜些；看上去暗啞的話，代表有機會已存放很久。
而顏色較淺、較黃，則可能是生長時被樹葉覆蓋、日照較少，甜度會較低。以圖中兩顆橙為例，應挑選右邊為佳。
3. 尾段的「舊橙」，甜度一般均已足夠，但因為「水果越甜就越易爛」，所以買舊橙要留意會否有「爛橙」，太「淋身」的橙就要盡量避免。
4. 不論新橙舊橙，水果檔檔主勸喻大家，選橙不要盲目追求「大」。
他坦言「越大隻的橙越容易甜度不均勻，亦會厚皮，不會太美味」，反而細身的橙一般 味道更為出色。
林記水果 電話：9199 5181
關鍵字
最新回應