港人光顧上水錶店買名牌手錶疑被騙 因1事揭職員隱瞞折扣優惠食差價 藉口只收現金沒有收據 網民：回去對質VS交智商稅
2024-07-18 00:00 
買東西記得取收據！近日，有港人在社交平台發文，指早前到上水某錶店購買名牌手錶。在付款前，店員再三確認手錶沒有折扣，更指只收現金沒有收據。事主在購買後，竟因1事發現職員疑似隱瞞折扣優惠，目的就是私自賺取正價與折扣間的差價！
職員疑隱瞞優惠食差價 藉口只收現金沒有收據
近日，有港人在Facebook群組「上水人大聯盟」發文，分享自己早前在上水某錶店購買名牌手錶，價錢是$1,980，樓主表示在付款前，「店員仲再三確定$1,980係已經折扣咗嘅價錢，沒有其他折扣」。
但後來在朋友的提醒下，樓主發現錶店的官網中，同款錶是有八折優惠，折後售價為$1,584，而非正價$1,980，兩者相差$396。「開頭我仲以為剩係得官網購買先係呢個折扣」。樓主透過WhatsApp向客服查詢，客服則指是全線都有優惠，並不是只限網店。
樓主回想，指當時上水分店的店員表現奇怪，「佢話舖頭部讀卡機有問題只收現金，然後收錢嘅時候話部機出唔到張收據。」最後，樓主表示是自己「冇睇清楚，冇問佢攞收據」，但希望大家遇到同類型事件時留意，不要受騙。
網民反應兩極：回去對質VS交智商稅
有網民留言，表示樓主應該回去對質，「使咩嬲啫，行返去舖頭同佢講，畀多次機會你攞返個差價出嚟，如果唔係即刻報畀佢公司知話佢穿櫃桶底，有cctv，有證據啦」、「有cctv作證」。
亦有網民表示樓主當「比（俾）錢買個教訓」，「買嘢唔拎收據？」、「電腦出唔到單，都可以手寫」、「一定要拎收據，機無手寫（單）加公司印都要」、「當交智商稅」、「一定要收據」。
有網民表示自己亦有類似經歷，「我幾年前都遇過類似咁嘅情況，不過係灣仔某台灣麵館，係拍八達通後，部機一啲反應都無，之後叫我畀現金，後來我在地鐵站check返原來扣咗數，之後我上去追返錢，又開apps畀佢哋睇，佢哋唔信，叫我去地鐵站叫職員print個交易証明，好彩個地鐵職員好人肯 print，攪咗成個鐘先肯退錢」。
同場加映：$34生菜少得可憐！港女Facebook公審大埔越南餐廳 店家超離譜回應焫㷫全網
最新回應