銅鑼灣鐵板燒餐廳11時關門食客9時半入座 疑員工不滿收舖前入座發脾氣 鐵鏟亂掉/食物未熟/水喉水濺餐枱 網民：呢間真係黑店
2024-08-23 00:00 
近年來，本地餐廳的飲食質素及服務態度備受討論，早前有網民在社交平台上怒呻銅鑼灣某間鐵板燒餐廳服務態度惡劣，懷疑員工因不滿事主在收鋪前入座而發脾氣，不但亂掉鐵鏟、故意用水喉水濺濕餐枱，更端上未熟食物，讓事主大為不滿。事件引起網民熱議，有網友表示，「黑店無誤」、「呢間真係黑店」，也有網友感嘆，「我上年同朋友食唔係咁，好好服務，啲嘢仲幾好食」。
鐵板燒餐廳服務惡劣 疑員工不滿收鋪前入座粗魯對待
近日，有網民在Threads上發文，批評位於銅鑼灣某鐵板燒餐廳的服務態度惡劣。事主表示，當天晚上自己在食評網站上尋找餐廳食飯，發現該鐵板燒餐廳「多好評又開到11點」，加上最晚可預約時間為晚上10時，於是便在該餐廳訂座，預約了晚上9時30分。
事主在晚上9時40分左右入座，當時餐廳只剩下「近爐嘅吧台有四個位」，於是事主在吧台處入座，並開始點餐，卻在點餐後被員工粗魯對待，讓事主十分生氣，詳情可點擊上文圖輯。
網民轟餐廳服務態度差：黑店無誤
有網民認同餐廳質素差，「試過一入到去擺低兩碗沙律，以為係送嘅，食完埋單先知要收錢，要收錢唔係應該問咗先擺低咩...」、「呢間真係黑店嚟，全部野一樣味，又貴又盛，唔知點解仲生存到」、「我入到去坐低未嗌嘢食，我見到咁污糟，我真係毫不猶豫起身走人搵第二間食」、「呢間嘢真係麻麻哋囉，又唔係特別好食，啲餐具又好油有啲污糟」。
有網民感嘆以往服務並非如此，「我上年同朋友食唔係咁，好好服務，啲嘢仲幾好食」、「下，我之前去過幾次，啲嘢都幾好食，服務都唔差，可能轉左（咗）人」、「上年食過都幾好食的，估唔到依家變到咁，就收工都唔應該俾啲咁嘅質素同用餐體驗客人」、「但年頭食過又唔係咁㗎喎」。
延伸閱讀：遊客遭旺角食肆粗魯對待如「趕乞兒」 港男親眼目睹感不值：丟架失禮又震驚
最新回應