民主派未必一定要特首下台

（星島日報報道）「35+」初選案，民主派47人涉嫌爭取立會過半否決財案被控串謀顛覆國家政權罪，16人否認控罪。區諾軒昨開始接受辯方盤問，承認曾在警方錄影會面中指戴耀廷對如何落實五大訴求說法「好細緻、好具體」，對於民主派而言「佢哋嘅諗法只不過係想更加多嘅民主派代表進入議會」不斷主張五大訴求，「未必一定係要服膺於一個即係特首下台，或者係要癱瘓政府嘅諗法。」
代表被告鄭達鴻及梁國雄的資深大律師潘熙盤問下，區諾軒承認2021年7月至8月期間在警方錄影會面下共錄取7份口供，確認在其中一份供詞指當時重要爭議為「就係究竟乜嘢方法去落實五大訴求先至係一個大家諗緊嘅講法呢？」對戴耀廷而言其說法「好細緻、好具體」，但於許多民主派人士來說，「佢哋嘅諗法呢只不過係想更加多嘅民主派代表進入議會⋯⋯佢可能喺議會度不斷都只係講五大訴求」，「個實踐手段我相信根據唔同嘅政治光譜，大家會有唔同諗法，但係呢一樣喺整件事上面一路都未有釐清」。
曾指戴五大訴求說法細緻

區在盤問下坦承2020年2月聯同戴會見公民黨執委時被告鄭達鴻不在場，當時公民黨人提出憂慮，黨內有功能組別立法會議員，舉例指「如果政府要大幅向教育界撥款話增聘教師，咁你作為教育界立法會議員呢係好難話去否定『財政預算案』呢樣嘢」，如各人均要否決財案「咪搞到佢哋好大壓力」。區供詞又提到「呢個講法我哋都好多時候喺主流（政黨）⋯⋯到後尾都不時聽到。」

潘熙問及社民連是否曾指如財案包含全民退休保障，則社民連會投票贊成，區答道「岑子杰同陳寶瑩（代表梁國雄）喺協調會議都各自表達過相關睇法」，區同意無論地方選區還是功能組別「都有呢方面困難」。潘熙追問公民黨上述憂慮是否持續到5月底6月初，區答道如根據協調會議，「我會話係5月中」，潘熙再問是否持續了2020年一整年，區答到「唔能夠咁武斷。」區諾軒補充指公民黨2月會面時的意見，「難以推論後來佢哋想法有無轉變」。案件編號：HCCC69/2022