鍾錦麟憂無差別否決財案或被DQ

（星島日報報道）「35+」初選案續審，鍾錦麟昨日於西九龍法院作供指，2020年4月從媒體上得知如主張無差別否決財政預算案，「好可能會導致全部人被DQ」，曾私下向戴耀廷表達憂慮，戴耀廷遂順應要求改稱「我只會話積極運用《基本法》權力去否決財政預算案」。鍾錦麟當時對其說法「疑中留情」，戴耀廷希望透過 35+來否決財政預算案嘅想法，他會形容係人所共知嘅。
鍾錦麟憶述2020年4月14日新界東第一次協調會議後，自己私下「拉咗戴耀廷埋一邊，同佢講出面有好多嘅講法，如果我哋會去無差別否決財政預算案，好可能會導致全部人被DQ，可唔可以唔好要求大家否決財政預算案？」戴回應「我唔會要求大家無差別否決財政預算案，我只會話積極運用《基本法》權力去否決財政預算案，我講明係《基本法》權力就唔會有問題啩？」
積極運用《基本法》權力

鍾錦麟昨坦言「但我事實上唔係好理解兩者分別」，惟當時相信戴說法，認為運用否決權合法。《國安法》指定法官陳仲衡追問鍾是否相信《基本法》賦予立法會權力去無差別否決財政預算案，鍾錦麟指自己沒有仔細考慮是否無差別。

法官李運騰問及鍾錦麟何以會後私下向戴進言，鍾錦麟解釋會上雖未曾提及否決財案一事，但「基於戴耀廷希望透過『35+』來否決財政預算案嘅想法，我會形容係人所共知嘅」。鍾錦麟續指，當時從媒體上得知戴推動當選人無差別否決財案或會惹來DQ，雖不清楚背後實際理據為何，惟向戴表達憂慮。 法官陳慶偉續指或有不實資訊，鍾錦麟則認為有此擔憂，解釋「相信由建制媒體報道這風聲某程度上代表中央想法，2019年社會事件之後中央政府對港政策唔會不為所動，所以我覺得有呢個風險要謹慎處理，而且對整個初選批評係來自建制嘅不同方面，唔係建制嘅個別板塊。」
「帶住一個疑中留情」態度

法官陳慶偉再指，那即使戴耀廷稱權力由《基本法》賦予，也不會改變鍾錦麟上述想法。鍾錦麟回應指對戴說法「帶住一個疑中留情」態度，「覺得最好唔好（提倡無差別否決財案）」，因為「相信中央講法係會有組合拳，但千頭萬緒唔清楚乜嘢會觸發大規模調整對港政策，所以拆彈拆得一樣得一樣」。李官追問是否滿意戴回應時，鍾錦麟又指「我關注係有冇犯法，表面睇《基本法》的確賦予咗立法會審批政府開支嘅權力，我當刻唔能夠答戴耀廷點樣犯法。」

除憂慮DQ外，鍾錦麟另指雖未曾聽聞過任何人表態不同意否決財案一事，惟根據多年區議會從政經驗，心底裏認為「呢個情況的確會令好多民主派，尤其是啱啱攞到區議會主導權嘅區議會議員擺喺一個非常困難嘅情況」。鍾錦麟當時認為傳統民主派政黨以及其支持者不會同意無差別否決財政預算案，即使政府提出興建醫院等。法官李運騰跟進問到興建醫院例子從何而來，鍾錦麟解釋自己區議會參選政綱之一正包括擴建將軍澳醫院，故以此代表眾多民主派地區工作者想法。

案件編號：HCCC69/2022