二房辦喪禮 不欲三房戴孝

Charles Hollander提到二太在林伯喪禮上羞辱顧氏三母子，李寶安否認，並指「其實余寶珠同其他人好驚到時有個衝撞、拗交、互相鬧、亦都知道到時會有好多記者在場⋯⋯當時余寶珠立場呢，佢唔覺得顧女士係一個真正嘅太太」，因此安排了李寶安在喪禮上接待顧氏三母子。

李寶安憶述當時喪禮上代余寶珠向顧氏三母子轉述進入靈堂的條件，「佢哋唔想你戴孝，亦都最好分開坐」。李寶安當時沒有判斷對與錯，惟私下「同情Pearl（林明珠）佢哋，我覺得應該可以柔和啲」。

Charles Hollander指出二太不視顧氏三母子為家庭一份子，正如分配遺產時排除3人一樣，李寶安否認指「遺囑係林百欣個遺囑，喪禮最主要係余寶珠個家庭搞，唔能夠相提並論」。

 李寶安回想林伯立遺囑當日，自己到訪其九龍塘住所，在前院碰見林伯家庭醫生練紹忻正在離開，對方指「我有啲事我要走先」，自己再進門後看見2名穿西裝陌生人士，直覺認為其暫代練醫生。李寶安續指林伯在二太陪同下進廳，坐到大圓桌主家席上，其餘人隨即就坐，張定球與林伯寒暄，問道「老闆今日有啲重要文件想你簽，你精神點呀？」林伯點頭答「OK」，2名醫生隨即上前與林伯交談，然後忽然提問問題。李寶安記得其中一題，「有個醫生指住我：『老闆你認唔認得佢係邊個？』老闆答案：『佢同我計數嘅。』」眾人猝不及防，隨着醫生提問，同枱林建岳、二太、張定球等臉色逐漸變得難看，林伯亦有點惱怒，越來越不高興，張定球遂打圓場指「差唔多喇，我哋都要做嘢」。

李寶安強調「無任何資料、無人話過畀我聽老闆要接受這個test，如果我知道我一定話畀老闆聽⋯⋯無一個plan叫個醫生來去驗個腦⋯⋯我唔相信有任何人叫人來做test」。