【阿碌開咪】政治領袖大忌

年尾不少傳媒都有這樣那樣的選舉，歌曲有，中外新聞有。當中，最有趣或具娛樂性的是名人在公眾場合可能刻意、可能漏口講出，一世無法抹去的「金句」。

在舊曆年完結前，又有網媒搞「新聞金句選舉」，登出最後三強，包括：一、容海恩：「各人有自己嘅良知！」；二、袁國勇：「唔見棺材，唔流眼淚！」；三、林鄭月娥：「戴咗都叫你除返落嚟！」

反正「宅」在家無所事事，於是做個「專業調查」，WhatsApp問N位資深傳媒人、政客、官員、學者、專業人士……老友點睇，邊個會奪冠？

哈！真係完全唔使選，你知我知大家知，答案冇得揮。正是——「戴咗都叫你除返落嚟！」

其實當日小弟與全港市民坐在電視機前，睇見特首霸氣凌人，冷笑斥責「無情情戴口罩同事」時，都幾乎嚇到跌咗落地。因為觀乎當時香港情況，疫情正開始爆發，公務員為保護自己及別人，紛紛主動戴口罩。對，在你戴我又戴情況下，口罩大大缺貨。

但作為全港最高領導人，應該講的，是政府將如何解決「口罩荒」，而不是橫蠻地命令同事除罩，不准保護自己！

於是這句「戴咗都叫你除返落嚟！」立即轟傳，肯定成為新聞金句龍虎榜冠軍矣。

其實林鄭率性發表金句之多，真是「罄竹難書」。昨晚與著名新聞學者K教授閒談，佢正正指出，特首真的非常非常需要一個「公關專家」指導。就算未能禁止佢「禍從口出」，起碼亦可以每次出事後，作學術性檢討，以防再犯。

K教授指：「做政治領袖，有很多事不應也不能做。例如， Victimise自己，將自己變成受害人，不停訴苦。林鄭早前接受訪問，講到：『最困難的工作，就搵女人做！』又或，怨工作時間長，壓力大，多政敵攻擊……等等。政治領袖一定要強，不可呻，因為一呻，就有一萬把聲柴台：『咁辛苦，唔好做囉！』變咗攞嚟衰㗎 ！」

曾智華 

阿碌開咪