【樂●活】Pixar彩蛋驚喜大發現

每次都好期待睇Pixar嘅電影，特別鍾意隱藏喺電影入面嘅「彩蛋」！由1987年的短片《Red’s Dream》開始，這項優良傳統一直流傳至今。「彩蛋」包括對彼思製作人意義重大的數字、標誌、物件、人物；也有小情小趣，例如自《反斗奇兵》開始便一直出現的Pizza餐廳外賣車 。早兩日一上映即刻入場睇《盛夏友晴天》，果然又有唔少彩蛋位，一於同大家分享一下。

‧彼思招牌紅黃藍色小球： Pixar Ball會在「三項鐵人大食賽」的單車賽事中，出現在賽道經過的屋頂上。

‧Pizza Planet 貨車今次被改裝成意大利經典三輪貨車Piaggio Ape，現身波托羅素的街道。

‧波托羅素的電影院裡可以見到迪士尼1954年12月上畫的經典電影《海底六萬里》(20,000 Leagues Under the Sea) 的海報。

‧電影中一列火車的編號94608，正是彼思總部所在地Emeryville的郵政編碼。

‧對彼思意義重大的A113，今次會在一張火車票上出現。

入場睇《盛夏友晴天》嘅時候，如果發掘到嘅其他「彩蛋」，記得要同Laurie講呀！

彼思另一款馳名「彩蛋」是自《怪獸公司》開始，每一部作品都會隱含下一部新片的預告。通常是新角色化身為公仔、玩具、物件或海報率先登場，也有具代表性的標誌，或故事場景隱藏其中，今次《盛夏友情天》故事背景的所在地正正就是《靈魂奇遇記》旅行社貼出「波托羅素」旅遊海報，唔知今次《盛夏友情天》又係乜呢？

順便為大家送上兩齣即將上映的電影最新發放的片段！Marvel 迷期待已久的《黑寡婦》將於7月7日正式上映，仲已經可以訂飛，淨係睇最新上載娜塔莎羅曼諾芙（施嘉莉祖安遜）同葉蓮娜貝洛娃（科倫絲佩芝）激戰「紅室」職業殺手嘅片段，已經夠晒精彩，好期待可以入場睇呀！



將於9月登場、有梁朝偉加盟MCU的《尚氣與十環幫傳奇》亦有全新預告曝光！



作者：Laurie Wu（愛保健愛旅遊愛購物的熟女）
[email protected]