樂●活｜積福助人 攜手關愛

新正頭最啱就係做善事，為自己積福之餘，仲可以幫到有需要人士！

黑暗中對話體驗館最近推出咗 WeCare攜手關愛計劃，同社會上有獨特能力嘅殘疾人士一齊走入社區關心弱勢社群，大家可以透過購買兩款「虎年二月限定福袋」福袋（按此），支持佢哋嘅工作，而佢哋亦會將大家嘅心意送比有需要嘅人，好讓大家可以一齊渡過呢個艱難嘅抗疫時期。

其中老友記福袋就係希望可以幫到 65歲或以上長者，福袋入面會有口罩10個、消毒搓手液2支、百佳超級市場$100現金券1張、關愛電話慰問服務、黑暗中對話旅程長者門票或無聲體驗長者門票2張、和橙5個，以及Oatly朱古力燕麥奶，實行為長者送上祝福。

另外，仲一款以低收入家庭為受惠對象嘅合家歡福袋，口罩10個、消毒搓手液2支、百佳超級市場$100現金券1張、點字器1個、暗箭神手門票4張及無聲體驗門票2張，以及和橙5個。

作者：Laurie Wu（愛保健愛旅遊愛購物的熟女）

 

[email protected]