樂●活｜賞百年古樹迎花季 期間限定Staycation

賞百年古樹迎花季 期間限定Staycation

中環百年古樹節果決明開花！除咗把握花期到此一遊去打卡之外，有無諗過安排一趟Staycation，兼邊High tea邊賞花！

位於香港美利酒店前庭嘅節果決明古樹早於美利大廈建成前已屹立該處，並於活化改建成香港美利酒店時得以細心保育。古樹於 2004 年憑藉其高大雄偉嘅體型、珍貴樹種及重要歷史價值被列入香港古樹名木册，亦是僅僅一棵入選的節果決明樹。每年4月至5月，高達 17 米的大樹綻放出淺白、淺粉紅嘅花串，形成一串串連綿不絕嘅花束，開花時多枝花串垂下，遠看形成唯美花海。除咗可以喺酒店花園樓層仰望，亦都可以透過酒店標誌式拱廊眺望古樹，猶如以畫框包圍着獨一無二嘅美景。

趁住一年一度嘅花季，香港美利酒店特設迎花賞樂之旅住宿體驗、Popinjays 古樹繁花下午茶及花漾雞尾酒，讓大家可享受繁花盛放嘅珍貴時刻。迎花賞樂之旅讓客人在入住香港美利酒店期間細細欣賞這顆百年老樹嘅溫婉美態，於舒適寬敞的客房中度過靜謐如詩的假期，預訂即日至5 月 31 日期間之住宿，並享受一系列限定禮遇，包括於指定餐廳品嘗雙人「古樹繁花下午茶」、入住當日享用花漾迎賓雞尾酒兩杯、頂級和牛主題三道菜雙人晚餐，以及雙人早餐等。

其中「古樹繁花下午茶」係於節果決明花期限定供應，以春季水果及粉紅食材入饌，甜點包括，盛載鮮甜多汁的白桃果肉並襯以白桃慕絲嘅香甜白桃撻、注入柚子雲尼拿吉士及綴以茉莉忌廉嘅柚子茉莉花泡芙，更有裹上一層楓糖嘅紅桑子費南雪小蛋糕、花香四溢嘅玫瑰士多啤梨卷及層次豐富嘅車厘子蛋糕。至於鹹點小食包括香口惹味嘅雞尾酒蝦配辣根奶凍、配搭味噌忌廉芝士嘅紅菜頭醃三文魚三文治、鹹鮮味十足嘅鱈魚籽撻，仲有甜豌豆及軟香草芝士撻及煙熏鴨肉三文治等。

另外，酒店專業調酒師趁住花季，打造了三款以花入饌嘅特色雞尾酒，於 Garden Lounge、Murray Lane 及 Popinjays 供應，締造賞花後嘅微醺時光。其中以洋甘菊氈酒為基調嘅Cassia Sour顏色亮眼，加入如蜜桃甜酒、芒果汁及橙汁等，充滿細緻嘅甜美果香。至於Elder Garden就以墨西哥烈酒 Mezcal、Campari利口酒、血橙蓉、青檸汁、接骨木花調配而成，入口清新並帶馥郁花香。散發日本風情嘅Haru Blossom主要採用狐酒純米大吟釀清酒，配以橙味甜酒、櫻花糖漿、檸檬汁及蝶豆花糖漿，呈現夢幻的漸變色彩。

作者：Laurie Wu（愛保健愛旅遊愛購物的熟女）
[email protected]