樂●活｜美味假期

一連三日嘅長周末，相信唔少人Plan咗出外走走，可惜掛上三號波，今日稍後時間更有機會掛八號波，看來還是留家為妙！趁天氣未至於太壞，可考慮先入定貨、叫定外賣吧！

其中當然要趁有新口味及優惠，入定夏天必備嘅雪糕！惠康、Market Place及3hreesixty將獨家發售全新小島屋港式奶茶／鴛鴦雪糕。港式奶茶/鴛鴦口味雪糕一盒讓你品嚐到港式奶茶嘅茶葉甘澀、奶香濃厚，和港式鴛鴦咖啡香味與濃滑奶茶嘅完美平衡，推廣期內每盒只需$45。此外，7月1至7日期間，兩款原有的獨家茶餐廳風味雪糕雪條推出限時優惠價──腐竹糖水雪條每盒$30，而焦糖燩蛋味雪糕蛋撻亦再次推出每盒$45。

即日起至7月3日，全綫Circle K推出$110任選5杯MÖVENPICK100 毫升雪糕，加$18可換購第6杯，平均每盒只需$21.3，更可選雲呢拿夢幻、 瑞士朱古力、士多啤梨、楓糖核桃、意大利奶凍及特濃咖啡雪糕。

諗住叫外賣的話，可以考慮兩個新登場Menu！盛夏正是「果王」榴槤嘅當造季節，各榴槤fans是時候把握時機以香甜濃郁的榴槤美食帶味蕾「秒飛」馬來西亞。手拉薄餅專門店PHD於全線分店推出期間限定D24榴槤系列，嚴選由馬來西亞進口的D24榴槤，精心製作兩款特色新品 ─ 「榴槤意式烤餅」及「榴槤麻糬」，讓大家可將啖啖頂級榴槤果肉的極致享受帶回家。由即日起凡於PHD單點手拉薄餅或購買套餐即可以優惠價$49加購「榴槤意式烤餅」或以$28加購「榴槤麻糬」（4粒），外送速遞及外賣自取同樣適用。

鍾意食米線的話，可以試試譚仔雲南米線新推出嘅濃汁豬軟骨寬麵，豬軟骨經燘煮後濃郁入味，搭配升級版花椒重慶酸辣湯，加上口感彈牙嘅新寬麵麵底選項。率先劇透一下，7月21日起推出期間限定「甜辣雙併」和兩款全新夏日Chill爽特飲包括「青檸薏米特飲」和「菠蘿野菜汁特飲」。其中甜辣雙併係早前一推出即大受歡迎嘅蟲草花雞卷米線的延續，將嫩滑無骨而啖啖肉嘅雞卷配上惹味嘅秘製辣汁及車厘茄。

 

另外，譚仔更邀請到CHEAP CENTURY「阿婆走得快 & 大麻成」的本地漫畫創作人蘇泳康，設計出包括全新譚仔姐姐角色在內的三款「譚仔米扇」，於8月1日起連續3星期，凡於任何一間譚仔雲南米線分店惠顧濃汁豬軟骨寬麵配任何湯底，即可免費獲贈「譚仔米扇」，每星期均會有指定款式的「譚仔米扇」登場。

作者：Laurie Wu（愛保健愛旅遊愛購物的熟女）
[email protected]