樂●活｜尋美食一字記之曰：鮮

鍾意四圍搵食，或者熱愛烹飪嘅朋友都一定知道不時不食、尋鮮吃鮮嘅重要，皆因食材本新鮮，所烹調出來嘅食物可以話有一定保證。要食得夠鮮，以香港本地出產嘅食材入饌，相信就去新鮮不過！

香港有唔少本地農耕者與漁民一直堅持本地耕種嘅信念，用心種植健康、味道鮮美嘅食材。美心中菜帶最近推出全新「尋鮮吃鮮」系列，其中包括各有特色的粵菜、潮菜及外省菜，以嚴選本地農場與漁場時令、新鮮食材入饌，並搭配大廚嘅心思與手藝，既凸顯各地區菜系嘅特點，又能將本地食材的鮮味發揮得淋漓盡致，帶來每一口都是鮮味嘅菜餚。

粵菜注重質與味、不時不食、帶出食材鮮味，美心中菜嘅粵菜主廚就將來自本地養殖嘅烏頭，化身成脆炸檸檬本地烏頭及鳳脂花雕蒸本地烏頭。前者受西檸雞啟發而演化，入口軟嫩酥香；後者則利用花雕嘅醇香提升烏頭魚嘅鮮味，配合蒸蛋，蒸前更在烏頭鋪上雞油塊，令整道菜餚有層次，魚肉香嫩。為方便客人進食，大廚特意先起骨才下鍋，讓客人輕鬆吃到「啖啖魚肉」。

至於潮菜就着重配醬調味，以不同的醬料炮製不同食材，做到原汁原味。美心潮菜主廚就利用以脂肪少、骨膠原高及肉質嫩滑馳名嘅嘉美雞，搭配豆醬入饌烹調出嫩滑鹹香嘅砂鍋豆醬嘉美雞。

提起剁椒、涼菜，就會即時諗起香濃鮮辣嘅外省菜的特色，美心中菜嘅外省菜主廚就選擇利用時令蔬菜入饌，炮製出涼拌本地茄子、玉帶雞茸本地蕃薯苗羹及鹹魚本地家豬釀地道涼瓜等，另外更用本地烏頭炮製了剁椒楊氏烏頭，剁椒嘅香辣與配上烏頭嘅黃油甘香，別有風味。

想食到本地種植嘅菜蔬，仲可以去到D2 Place，其位於二期嘅天台農場會按時節種植五花八門農作物，種類多達五十種，由嫩綠蔬菜、清甜水果，以至鮮味香草，甚或近年大熱的超級食物羽衣甘藍及黃秋葵都會搵到，為大家帶來Farm To Table嘅滋味。

參與Farm To Table以新鮮收成嘅作物入饌並推出快閃菜色嘅D2 Place飲商戶包括Little Break、Thai-ger、Food Garden、荔園·流金歲月及F.A.T. LAB，大家可以試到由天台農場直送、天然純粹嘅農作物所烹調而成嘅美食。

此外，D2 Place更舉辦綠色工作坊及Farm To Market周末農墟市集。其中綠色工作包括自製蛋殼迷你盆栽、香草盆栽及無土種植工作坊等。D2 Place的Farm To Market周末農墟市集則不定期邀請本地農友合作，出售本地種植的新鮮農作物及農產品，宣揚低碳生活及支持本地農業發展。

 

作者：Laurie Wu（愛保健愛旅遊愛購物的熟女）
[email protected]