樂●活｜透心涼特飲

呢幾日一離開有冷氣嘅地方，頓時有一種入咗焗爐嘅感覺。稍停留喺街上就會想要一杯冰涼透心嘅凍飲，就算喺室內都要頻頻「補水」。

香港星巴克由即日起推出喺美國大受歡迎嘅Boldly Refreshing星巴克Refreshers星冰爽飲品，包括草莓檸檬星冰爽、粉紅草莓星冰。其中草莓檸檬星冰爽以草莓及巴西莓果汁調製而成，並添上檸檬汁及原生咖啡豆精華，莓果香氣配合清新檸檬，鮮甜多汁的草莓片，滿口都是夏日水果風味。至於粉紅草莓星冰爽​就有幼滑嘅椰子奶、清爽莓汁及草莓片，酸甜可口嘅果汁與奶油般順滑嘅椰奶不單帶來口感層次豐富嘅消暑飲品，更是一杯極Instagrammable嘅飲品。其他特別為夏日而設嘅飲品更有蜜糖紅西柚冷萃咖啡及蜜糖紅西柚湯力烏龍茶等。

順帶一提，星巴克嘅「第三生活空間」（Third Place）活動，今日推出（7月26日）推出由黎明Leon為主角的 #MyThirdPlace 影片。影片中，Leon正準備在星巴克如常地點一杯最愛嘅Americano，受咖啡師及身邊的年輕人啟發，他決定轉一轉口味，點了一杯草莓檸檬星冰爽。星巴克更以色彩繽紛嘅星巴克草莓星冰爽及 Leon 為靈感推出特別版星巴克草莓星冰爽杯套，由7月26日起至8月1日，顧客凡購買任何一杯星巴克草莓星冰爽手調飲品，即隨杯附上特別限量版杯套乙個，顧客可立即透過杯套上的 QR Code 觀看 Leon 嘅廣告片。

星巴克亦同時推出一系列以士多啤梨為主題的季節美食，包括士多啤梨麻糬丹麥酥、士多啤梨脆脆慕絲蛋糕、士多啤梨吉士泡芙​ 、士多啤梨鬆餅​。另外仲有一系列以以露營及新學期為主題嘅商品系列，其中ECO-CAMPING系列 以露營為主題的商品，包括3款設計簡約、分別以銀色和米白色作主調嘅隨行杯；而BACK TO SCHOOL Collection 系列 就係有3款色彩鮮艷嘅杯具，每款均印有文具圖案及勵志打氣字句，包括不鏽鋼隨行杯、凍杯和水樽。

「梗有一間喺左近」嘅7-Eleven，繼之前開設第一間7CAFÉ+Pop-up概念店，最近7CAFÉ+更可打造咗全新旺角Always On概念店，更加入一系列全新產品及本店限定飲品，好多款都好適合炎炎夏日。7CAFÉ+全新旺角Always On概念店加入多款全新飲品及甜點，例如新登場嘅珍珠奶茶系列、新地芭菲系列，及全新口味嘅沙冰爽等，每款新品都只售$22至$25，可以話係性價比之選。

其中沙冰爽系列 以充滿地道特色嘅什果賓治為主題，調製出懷舊口味嘅什果賓治沙冰及味道清涼嘅薄荷什果賓治沙冰，梳打特飲系列就有什果賓治梳打特飲及薄荷什果賓治梳打特飲，清爽果味配上起氣泡口感，消暑一流。

至於珍珠奶茶系列就用上使用台灣直送珍珠配合獨家烹調方式，以煙韌彈牙嘅珍珠配上自家紅茶底，充滿台式風味，有原味、 薑味、杏仁味、榛子味及朱古力味珍珠奶茶可以揀。夏天又點少得冰涼透心嘅雪糕，其中嘅新地芭菲系列使用北海道5.0牛乳雪糕，加入脆脆配料搭配什果，奶味濃郁，口感層次豐富。

繼上星期推出與插畫家兼Plastic Thing主理人葉欣聯乘一套四款「為食杯」系列，明日起再推出獨家限定嘅「玻璃壺」方便大家喺Office同屋企解渴消暑。「玻璃壺」容量約1L，壺身採用耐冷耐熱嘅Borosilicate玻璃，耐受溫度為0-100°C，更附有食品級不鏽鋼蓋連濾隔，適合像為食妹一樣喜歡減肥的女士們自製Detox Water、各種冷泡茶或消暑飲品。「玻璃壺」由7月27日早上7時起，到7-Eleven只要作任何消費加$149，或使用8,000 yuu積分加$99即可換購。

 

作者：Laurie Wu（愛保健愛旅遊愛購物的熟女）
[email protected]