樂●活｜回憶的味道 濃濃地區情

那些年總是美好的，走進舊區，或者一啲老店，總係有一種被人情味同舊香港情懷圍繞嘅感覺。

早前，去咗周生生深水埗青山道、位於剛完成翻幾分店，就好似走進時光隧道、或者一間金鋪博物館般。唔講唔知，原來周生生已經立足香港80多年，從傳統優質足金金飾、各式本土設計珠寶，以至代理世界各地國際珠寶品牌等而馳名於不同年代，而位於深水埗青山道嘅分店，原來已經有50多年歷史。

呢間經典分店雖然剛完成翻新，而且店裡店外內都以現代手法，重新演繹舊香港情懷，但走進店內就如來了一趟時光交錯之旅，親切感與新鮮感兼備。即日至11月12日期間更安排了懷舊小吃 — 飛機欖於店內免費派發，一同回味舊時光。

翻新除咗為店鋪注入新氣息，同時保留了多年經營而來嘅人情味，店鋪外觀以舊有設計為藍本，店外還原了既有嘅橫梁招牌設計，換上耐用的新物料，並在入口處沿用開業至今的牌匾，新舊交融。門外更保留了傳統珠寶店常見嘅懷舊波波燈，凸顯舊香港特色。店側亦參照舊有招牌，還原了周生生的經典品牌設計，感受時間倒流回五六十年代的魅力。

店內設計用上了暖木色為主要色調的飾櫃，搭配舊店用到的不鏽鋼物料，最為經典及能彰顯周生生多年經驗嘅裝飾，就係沿用開業至今的「飛船」天花燈。天花燈以不鏽鋼設計而成，昔日被珠寶店廣泛採用，但現今已逐漸被淘汰，設計師特意保留「飛船」天花燈，可謂保存了整間店的靈魂。

至於佇立喺店中央嘅翠綠仿玉石石柱的設計靈感則源自深水埗區的街邊綠色鐵皮檔攤，色調不但完美融合店外風景，更與店內的翡翠玉器相映成趣，極富地區色彩；地磚就參考了以前嘅設計，混合了3種不同顏色嘅雲石地磚，營造了復古風格。收銀處則選用了灰色紋理嘅水磨石，配以「多謝光顧」字眼加強復刻感覺，旁邊嘅木紋牆身圖案就以全新方式演繹舊店後帳房鐵閘建築藝術圖案，向舊店致敬。

文物牆可以話係必到打卡點，細分為兩個區域，其中以周生生不同年代招牌及標誌設計而成嘅「打卡牆」，參考昔日店面選用水磨石，拼搭不同顏色及霓虹光管設計而成嘅字型，只要舉機就能拍出充滿香港情懷嘅自拍照。而第二個區域則是周生生歷史展品區，櫃內則擺設了品牌昔日用來製作金飾珠寶嘅工具和包裝，包括珠寶盒、金扣槽、金用模具、金秤、珠寶單據等，大家仲可以掃描展示卡上嘅QR碼，觀賞介紹短片，深入了解每件展品背後的故事。

至於懷念香港漁村文化及漁鮮地道風味的話，當然會諗起艇仔粉！香港仔避風塘附近嘅艇仔粉船家買少見少，源自南記粉麵決心將「艇仔粉」帶上岸，經典水上人風味。期間限定嘅「艇仔粉」套餐主打大地魚和蝦湯底，加入經典配料以及南記粉麵招牌春卷及新出爽爽豬肉，份量十足，每一口都滿載避風塘滋味。再配上全新登場Shake脆魚皮配秘製香辣粉，超脆口感混合激辛滋味，味覺衝擊十足，最後暢飲一杯香甜醒胃的芒果冷泡鐵觀音，清爽解辣。每日下晝2點半後喺南記官網落單更可享9折。

作者：Laurie Wu（愛保健愛旅遊愛購物的熟女）

[email protected]