【維港會】惡客捧餐返位被叫先畀錢發爛 經理反擊：試下去超市拎嘢返屋企？

服務業不時會遇到野蠻客。有餐廳職員分享，曾遇男食客取餐後直接返回座位，遂提醒要先付款，結果被罵「咩態度」，並稱「你睇唔睇到我有兩個小朋友架」。經理聞言則借購物做例子，反問食客「你去超市買嘢，試下拎晒啲嘢返屋企先，同個收銀講你要照顧小朋友無手」；食客最終以「你等收律師信」反擊。不少網民都大讚經理做得好，「有小朋友唔係大晒㗎！」

該名餐廳職員在facebook專頁「西客之道 Hispitality Secret」發帖，稱其餐廳屬快餐形式，食客點餐及取餐後，要先到收銀處付款才返回座位。但有一日見到一家四口來光顧下午茶，父母點餐後，媽媽就返回座位照顧小朋友，爸爸負責取餐。當時爸爸一人捧着兩個盤，上面放有3碗食物，他想直接返回座位，結果被職員勸阻，「唔好意思啊，要先打單畀錢，才拎返坐位」。

爸爸聽罷大為不滿，「你睇唔睇到我有兩個小朋友架，係咪而家拎咗返位先都唔畀啊？我又唔係唔畀錢，你咩態度啊？」在場的餐廳經理則回應：「先生，去超市買嘢，試下拎晒啲嘢返屋企先，同個收銀講你要照顧小朋友無手，你又唔係唔畀錢，睇下人哋會點！」結果爸爸反擊：「你等收律師信啦！」但樓主補充，餐廳最後等了半年都沒有收到律師信，遂發帖「想問下先生係咪寄失咗」。

大批網民都留言撑經理，「經理覆得好，一句KO」、「一出超市門口已當偷啦」；另有人嘆「乜都可以出律師信」、「真係好X憎啲老豆老母恃住自己要照顧細路打橫行！咁佢老婆唔係坐咗喺位睇住兩個細路咩？」。另有家長分享，「我有細路，但都會買咗先，搵唔倒位咪叫職員幫手問下有冇人方便搭枱囉」。