【维港会】恶客捧餐返位被叫先畀钱发烂 经理反击：试下去超市拎嘢返屋企？

服务业不时会遇到野蛮客。有餐厅职员分享，曾遇男食客取餐后直接返回座位，遂提醒要先付款，结果被骂「咩态度」，并称「你睇唔睇到我有两个小朋友架」。经理闻言则借购物做例子，反问食客「你去超市买嘢，试下拎晒啲嘢返屋企先，同个收银讲你要照顾小朋友无手」；食客最终以「你等收律师信」反击。不少网民都大赞经理做得好，「有小朋友唔系大晒㗎！」

该名餐厅职员在facebook专页「西客之道 Hispitality Secret」发帖，称其餐厅属快餐形式，食客点餐及取餐后，要先到收银处付款才返回座位。但有一日见到一家四口来光顾下午茶，父母点餐后，妈妈就返回座位照顾小朋友，爸爸负责取餐。当时爸爸一人捧着两个盘，上面放有3碗食物，他想直接返回座位，结果被职员劝阻，「唔好意思啊，要先打单畀钱，才拎返坐位」。

爸爸听罢大为不满，「你睇唔睇到我有两个小朋友架，系咪而家拎咗返位先都唔畀啊？我又唔系唔畀钱，你咩态度啊？」在场的餐厅经理则回应：「先生，去超市买嘢，试下拎晒啲嘢返屋企先，同个收银讲你要照顾小朋友无手，你又唔系唔畀钱，睇下人哋会点！」结果爸爸反击：「你等收律师信啦！」但楼主补充，餐厅最后等了半年都没有收到律师信，遂发帖「想问下先生系咪寄失咗」。

大批网民都留言撑经理，「经理覆得好，一句KO」、「一出超市门口已当偷啦」；另有人叹「乜都可以出律师信」、「真系好X憎啲老豆老母恃住自己要照顾细路打横行！咁佢老婆唔系坐咗喺位睇住两个细路咩？」。另有家长分享，「我有细路，但都会买咗先，搵唔倒位咪叫职员帮手问下有冇人方便搭枱罗」。