【維港會】兩間房大細差2倍兩仔女點分成苦惱 網民倡改則劃一

網上討論區「親子王國」有網民發文，指家中2間房間一大一細，不知如何分配給2名子女。

網民透露，「一仔一女，A房間係B房間嘅兩倍大」。網民猶豫，本來想一間房作為睡房，一間房作為遊戲房，但考慮到「10年後又要重新裝修，唔想浪費錢。依家想一人一間房算，唔知大房應該畀邊個」。

其他網民眾說紛紜，有人說應該將大房分給女兒，「真係一定一定大細差咁遠，我會比大房個女，細房比仔，因為我可以擺嘢係女房，房仔細細，希望阿仔大個唔會偷運女朋友返屋企」、「覺得女仔大個咗會多嘢過男仔，我自己會比個女要大房。但大房要講明擺埋書/玩具等共用嘅嘢，唔好比個女大咗以為成間房佢用哂。」、「女大啲，因為女仔多嘢過男仔。男仔房大亞媽執餐死，女仔企理啲（正常計）」

有人認為男仔日後可能反而有需要，「女孩子物件一定比男孩多，女孩睡大房似乎合適。但到適婚年齡，男孩可能原居居住，可能需要大房。不過世事難料，莫講10年後，10個月後發生咩事都唔知啦！」

也有人認為倒不如裝修將2間房劃一大小，以免2人長大後有不滿，「從新間過啦，大成倍有啲唔公平。其實男仔都可以有好多收藏品」、「大成倍的話咁直程將大房一開二都夠兩個瞓，再有一間雜物房都得啦」、「我大女細仔，由細到大家姐間房都大細佬少少，但原來細佬一直都會介意會比較，覺得我哋偏心，所以我覺得如果可解決到，盡量大細差唔多會好啲」