醫生為吳孟達插喉落強心藥 艾威稱情況不太樂觀

艾威接獲吳孟達肝癌突轉危殆消息後到醫院，探望過達哥後受訪的他稱礙於疫情，達哥的家人與至友親朋全做了核酸檢測，其他人只可上去見一面，不可逗留，情況不太樂觀。他說在接到達哥的好友通知到來，對方由達哥一個月前在澳門留醫時就一直陪伴。他說：「一個月前佢（達哥）有講過唔會保持聯絡，唔會搵到我。佢之前做過一次化療打贏咗，話再唞唞做第二次，我就每日發個加油公仔畀佢，唔想佢咁辛苦每日覆訊息，唯一幫到佢係打氣。」

艾威稱醫生為達哥插喉，打了嗎啡，也落了強心藥。問到是否昏迷中？他說：「瞓著覺咁，不至於無晒反應，又唔係聽到嘢咁。」其太太、兒子、弟妹都陪伴著，但沒見吳媽媽。艾威最後說：「希望佢大步檻過。有咩需要大把人幫手，佢太好人，所以好多朋友撐佢。」