患癌中風漸康復準備拍劇 陳惠敏自認辛苦命唔怕操勞

陳惠敏、敖嘉年及盧惠光出席冰室開幕活動，雖然陳惠敏於年多前中風兼患肺癌，不過見他面色紅潤，中氣十足。陳惠敏表示每月需要覆診，已康復八九成，身形亦肥了少少，以往的體重有135磅，現時有140磅。他說：「一年前係肺癌第三期，慢慢醫返好同做運動，依家會行山，因為我住西貢海邊。」
陳惠敏又指睇西醫毋需戒口，反而叫他吃更多，自從患病後就沒有開工，皆因中風後導致手腳不能郁動，不過醫生指他底子好，所以康復得快。他說：「當初我都好驚，一個運動家、拳擊家，又識打功夫，突然手腳唔郁得，依家復原返。」他更透露會重返亞視拍攝反黑類型劇集，亦會做監製工作，亞視將會簽返一班舊演員。問工作量不輕不怕太操勞？他說：「自己辛苦命，唔做仲辛苦。」提到女兒陳映諭早前涉普通襲擊被捕惹官非，他說：「無事啦！罰咗500元。」