羅家英任召集人由頭跟到尾汪明荃搞網上頻道推廣粵劇

2021-03-01 15:00

汪明荃以「八和會館」主席身份出席「八和頻道」開幕禮，她透露因疫情關係，用了幾個月時間籌備該頻道，更獲民政事務局撥款，製作節目「粵劇網上學堂」：「我哋會盡量起用粵劇從業員參與拍攝，當中包括唱、唸、造、打，從而讓大家深入了解粵劇。暫時拍咗40集，每集10分鐘。」

雖則阿姐無份參與演出，但她負責監察工作，亦有邀請嘉賓：「今次有約350位從業員幫手，仲請來好多學術界人士協助宣傳。好多謝理工大學，依家無乜人返學，大學以平租提供場地，而好多大老倌亦只收車馬費參與。我哋每日爭取時間拍，拍足十幾個鐘㗎！」阿姐又指，過往粵劇雖沒有正規課程，但觀眾可透過頻道了解，從而懂得欣賞演出，例如「揈水髮」也有不同演繹方式。

阿姐又表示老公羅家英相當辛苦，因他擔任頻道召集人，提供不少意見之外仲要由頭跟到尾。現時家英哥要為電影開工，正在上海接受隔離：「佢依家慘嘞，因為內地有新政策，如果省過省要隔離多7日，即係要坐足28日，聽日離開上海去橫店又14日。」談到粵劇界的復工情況，阿姐表示油麻地戲院已於年初七重開，本月22日會有第一場表演。不過由家英哥及汪阿姐成立的福陞粵劇團原定負責的賀歲檔，則會延期至年底。