【維港會】網民外賣薄餅底面全燶被嘲驟眼睇似鞋底

2021-03-02 14:37

薄餅有少少燶可以話係「脆口」，但太燶的話就只能叫「暗黑料理」了。有網民表示，早前在一間薄餅餐廳買了一個薄餅，怎料回家打開盒才發現薄餅的底面全燶，令他感到相當氣憤！

一名網民在社交媒體Facebook群組「中伏飲食報料區」上載圖片，指自己近日在元朗一間餐廳外賣了一個薄餅，滿心歡喜地打開時，卻發現薄餅表面幾乎都烤焦了，只有近中間部分的芝士正常；更誇張的是，薄餅底竟是啡黑色的「全燶」狀態，令他感到既無奈又氣憤。

帖文引起網民熱烈討論，不少人都很同情樓主，認為該間餐廳的做法過分，「咁都出得，不如唔好焗，直接比個生嘅客自己焗啦」、「冇可能唔退喎...食到喉嚨痛」、「咁都得，間鋪想早啲執」。

另外，亦有不少網民搞笑回應，「佢（餐廳）應該覺得外賣冇仇報」、「焦糖pizza，新口味，特登俾樓主試食嘅」、「曬左（咗）加洲陽光」、「木炭pizza？」、「以為係鞋底」、「仲黑個（過）我同事塊面呀」、「你係咪叫咗葡撻pizza」。

「中伏飲食報料區」原文