【又出事】剛完成隔離出門即見血 71歲張之珏撞爆眼角縫10針
2021-03-05 15:46 
現年71歲的導演張之珏近日從新西蘭返港，為10月執導的舞台劇《老公你好悶呀》作準備，未料昨日才完成21日檢疫隔離的他，今晨出門時卻不慎在酒店仆倒，撞至左眼眼角有一條逾兩吋長的傷口，認真陰功！受訪時，張之珏憶述頭部撞傷過程：「今朝行出走廊時，先發覺冇攞身份證同房卡，本來打算用腳頂住度門，一翻身諗住好似李連杰咁一頂，點知真係『頂』，踩到自己件雨衣就仆親，向前一仆撞到木門邊，成面血！」
血流披面的張之珏遂到酒店大堂求助，職員原本打算幫他召白車，但他擔心入院時間太長而影響工作，加上疫情嚴重，拒絕送院；最後，他由友人陪同到附近診所縫了10針，又自誇醒目用了醫療劵找數，明天覆診。張之珏仍打趣道：「我屬牛犯太歲，雖然避過新西蘭大地震，但避唔過血光之災，李居明之前都叮囑我回港要小心受傷。」
其實早於3年前回港籌備舞台劇《小城風光》時，張之珏也曾在銅鑼灣站內的扶手電梯失足，並向後仰撞及後腦受傷送院，而當時他縫了5針收場，故唔到今次返港「又中招」！
關鍵字
最新回應