【Juicy叮】巴士車長質疑出世紙無相 要求2歲童付車資惹港媽不滿

九巴規定4歲以下的小童無須支付車資，但近日一名港媽表示，自己帶同未滿3歲的孩子搭車時，被要求出示身份證明文件。港媽遂出示了孩子的出世紙照片，但車長因沒有孩子的樣貌而拒絕接納，最終更需要警方到場調停。

FB專頁「生仔要考牌系列」轉載了該名港媽的帖文，指該名港媽上周五（5日）與未滿3歲、身高約98cm的小孩在馬鞍山乘搭九巴，在上車時車長因小孩身材高大而要求港媽出示孩子的身份證明文件，但港媽沒有帶小孩的證件正本，於是出示電話內的出世紙照片，「佢話出世紙無相唔可以証明，要我比小朋友身分證佢睇」。

不過港媽則質疑指，「小朋友身份證都係無相片，只有passport（護照）先有相」，雙方各執一詞。而車長其後表示要報警處理，港媽指，自己可以回家取護照以示清白，但由於她已經支付車資，所以要求車長不要開車，靜待她歸來。

該車長起初答應該要求，但當港媽下了車便隨即開車離開，令港媽怒不可遏，「因為太激氣搭車去西貢總站搵司機理論，見到司機喺站頭，我攞晒所有証件畀佢睇，因為passport相片係小朋友3個月時影的，樣同現在都好大分別，你一樣可以話唔似樣唔可以証明！」。

而車長則表示只是按公司規矩辦事，又稱「有唔滿意打熱線投訴」。在雙方爭執時，有站長認為港媽阻礙了他們工作，於是報警處理。

警員到場了解事件後，將報案編號及車牌號碼交給港媽，著港媽自行打去投訴。港媽事後仍然忿忿不平，「我真想問下次要帶咩証明文件先可以証明小朋友歲數呢？出世紙同身分證話無相片，Passport張相又話唔似！」。

帖文一出便引來網民熱議，有網民支持港媽據理力爭，「出世紙和身份証無相都唔係第一日嘅事」、「小朋友證件要有相真係好有難度」。不過亦有網民認為車長只是按規矩辦事，「另一個角度睇，司機因此俾上頭郁的話，邊個通融佢？」、「司機都係跟返公司規矩做嘢」。

資料來源：FB專頁「生仔要考牌系列」