【維港會】五旬員工辦事慢被年輕同事單打 怨上司坐視欺凌擬報警

經濟蕭條下失業率高見7.2%，是自2004年以來最高，不少打工仔有個飯碗已經相當不容易。不過有五旬員工在公司因辦事慢、有錯漏，被另一位年輕同事單單打打，無奈上司卻無動於衷。

網民在網上討論區「親子王國」發文，指朋友在私人公司做，年紀大、做事比較慢，間中做錯事。現時常被另一位較年輕同事針對，「每日用眼監視朋友，用言語及動作醜化，朋友話壓力大，同上司講了，但無下文」。

網民形容，這位朋友有10年工作經驗，年紀超過50歲，「老馬有火。日日兩個互相爭吵...認為是人善被人欺」。網民於是代朋友求助是否屬於欺凌，有何方法對付。

有網民留言奉勸息事寧人，「講真，到半百的話，又唔係高薪厚職，都要理解自己斤兩，求2餐，輕鬆面對就得，後生嘅玩嘢，何必自己攞嚟嬲? 除非影響到份糧啫」、「如果都入伍嘅年齡，坐起辦公室照平常做嘢，咩都唔好理更加唔好同老細投訴（老細只會覺得你煩），夠鐘就收工。」

發文者其後說當事人有考慮報警，有網民反對，「5x，工作能力有限，同老闆講被後生蝦，仲話要報警欺凌……反而好奇老闆咩反應 ...如老闆知佢想報警，係我會造就機會炒，反正能力唔高，萬一真係報警，公司都會麻煩」、「你朋友話報警，証明佢聰明有限。既然係笨人，何不笨下去。因為天資不足，根本沒法去同人玩下去，只會越反抗越被欺負。解決方法係避之則吉。」、「不過你朋友講報警。似乎唔似做開野咁嘅！反擊真係靠自己，當然大前題自己無問題，無做錯嘢先做到架」。

帖文轉載自親子王國討論區《職場欺凌點算？》