【14歲智障童墮斃】康橋之家前院長指死者拆天花 母駁斥「唔好講大話」

14歲患自閉症及中度智障男童梁子駿 5年前在位於葵涌的殘疾人士院舍「康橋之家」墮樓身亡，死因庭今繼續進行死因研訊。時任院舍院長作供時多次表現不耐煩，另形容子駿墜樓事件「意外嘅嘢無人想」，自言「我哋都為個『仔』做咗好多，用心用力去做」。她指，子駿日常破壞行為會令他受傷「成個天花拆落嚟，徒手喎」。若觀察到有傷痕會與家人溝通，子駿母親在庭上斥責對方「從來都無講過，唔好講大話」，並低聲痛哭。

時任院舍院長劉潔心在2014年在康橋擔任主管至2016年，離職後由吳純真接任。劉憶述子駿一開始入住雙人房，但因「騷擾到院友，將大便放喺人床」等行為而把他調往單人房。但他在獨立房亦因其他行為問題，「阿仔鍾意將大便收埋，聞到臭味又搵唔到」，亦有拆爛天花及床頭櫃等破壞行為，最終把他調至86號開放式房間。另因子駿涉及多次丟東西落街，一次曾掟中的士，劉稱要「面矇矇」向司機道歉及賠錢。就子駿情況，院舍大部分窗戶均裝有鐵絲網，防止他掉大型物件，但他「裝咗都有本事攝到啲嘢落去」。

劉另指，因子駿有破壞行為而不時有傷痕，「眼鏡成個揸爛，有玻璃㗎喎」，「飯餸熱辣辣掃落地，點會唔損」。劉表示在觀察到子駿有傷痕後會向其家人報告，子駿母親江月梅隨即在庭上斥責對方「從來都無講過，唔好講大話」，並低聲痛哭。

家屬代表律師陳偉彥引述劉的口供指，康橋運作符合社署要求，提供服務專業，劉隨即回應「咁事實係呀」。她形容子駿墮樓「意外嘅嘢無人想」。陳追問「係咪唔關你事」，「唔係唔關事，始終喺院舍發生」。另自言「用心用力做，所有員工都係，厭惡性工作都唔驚」。但承認曾因衛生及院友哽死等問題被社署警告。她辯稱康橋樓下已是食肆，鼠患問題「大家都知」，又指「你估隔離無咩」，唯有盡力找滅蟲公司補救。

劉續稱，因警方在2014年檢走院舍閉路電視系統，至2016年事發時仍未歸還，所以期間一直沒有閉路電視系統。陳質疑，若無閉路電視職員便不能在其他地方隨時觀察院友。劉聞言反問「無依個功能有咩問題」。

法庭記者：王永欣