【維港會】女下屬遭性騷擾摸臀部 網民欲投訴又怕得失大客

職場性騷擾確實不能容忍，惟打工仔有時為了工作亦不敢作聲。而有網民分享，指一名女同事稱遭客人性騷擾，更試過觸摸她的臀部，惟女同事不敢投訴，於是希望事主一同向上級反映。事主一方面擔心會令公司損失一名客戶，但另一方面亦不忍女同事受委屈，於是向網民請教解決方法。

事主今日於「連登討論區」以「女同事向我投訴個客好猥褻」為題發文，指昨日有2名同事向公司其中一名大客戶推銷，但女同事回到公司即向事主投訴，「個阿叔全程牛咁眼望住佢個胸，隻手仲時不時摸褲浪present完仲借啲意話要買bra送俾個女，size應該同我同事差唔多，直接問佢咩cup同戴咩牌子」。

面對性騷擾，該名女同事亦不斷轉移話題，沒有表現出不滿，不過該名客戶其後竟然變本加厲，「係到入lift果陣個客乘機捏左佢pat pat一下。所以佢先鬧佢做咩亂摸，果陣個客仲好得戚話太逼唔小心」。

事主亦有詢問另一位同行的男同事，男同事亦證實真有其事，而其他女同事亦曾反映過該名客戶平時都會用言語性騷擾她們，但未曾試過如此過份。

事主表示自己只是一個「Team leader」，沒有太大的權力，但對上兩級的上司都十分自私，應該不會替女同事出頭。但如果繞過上司直接向老闆投訴的話，事主又擔心會得罪直屬上司，惟女同事不敢自行投訴，希望事主陪同。又指「最弊係我上司話個客同佢講個女同事present得好好，點名要佢繼續follow up」，所以令到事主感到十分苦惱。

帖文引起網民熱議，有網民鼓勵事主發聲，「其實搵得你幫手即係信你人格，係應該幫到就幫嘅」、「啲情況你知都唔出聲，下次就到你女朋友或者老婆比人性騷擾」，亦有網民建議事主可以先通知上級，「你可以試下先同你上級講呢個情況先，同佢地傾下可以唔可以以後都淨係搵返男同事去serve呢個客，佢地say no嘅就豁出去搵大老細講」。

在聆聽網民的意見後，事主表示會陪同女同事一齊向上級投訴，「如果真係無視我地嘅，咁嘅公司都唔值得留係到」。

資料來源：連登討論區